Errepublika, demokrazia eta erabakitzeko eskubideaz arituko dira

Isabel Salud (Elkarrekin Ahal Dugu), Oskar Matute (EH Bildu), Roberto Uriarte eta Odon Elorza (PSE-EE) hartuko dute parte mahai inguruan.

Ikerne Zarate Gartziarena

Errenteria-Orereta

2017/11/06

Pikoketaren aurreko ekitaldi bat.

Errepublika, Demokrazia eta Erabakitzeko Eskubidea. Goiburu horrekin mahai ingurua antolatu du gaur Pikoketa Oarsoaldeko Errepublikazaleen Elkarteak, eta horien gainean hitz egiteko lau gonbidatu eseriko dituzte mahaiaren bueltan: Isabel Salud (Elkarrekin Ahal Dugu), Oskar Matute (EH Bildu), Roberto Uriarte eta Odon Elorza (PSE-EE). Pikoketa elkartetik jakinarazi dutenez, ez dira beren alderdien izenean arituko lau gonbidatuak, eta hala eskatu diete beraiei ere,«maila pertsonalean deitu ditugu, ezkerrekoak zentzurik zabalenean diren lau pertsona hiru kontzeptuen gainean aritu daitezen: errepublika, demokrazia eta erabakitzeko eskubideaz. Hiru kontzeptu horien arteko harremanaz eta haien arteko kontraesanez hitz egin dezaten eskatu diegu». Helburua ere ez omen da Kataluniako egoeraz hitz egitea,bertan egunerokotasun betea badute ere mahai inguruaren oinarri izango diren hiru kontzeptuek: «Ez dugu nahi mahai ingurua Kataluniaren egoeraren gainekoa izatea, eta ez dugu ere intentzio horrekin antolatu, baina ziurrenik behin baino gehiagotan egingo diote hari erreferentzia parte hartzaileek». Reina aretoan Reina aretoan (Xenpelar kalea) antolatu du Oarsoaldeko Errepublikazaleen elkarteak mahai ingurua, 19:00etan hasita, eta herritar guztiak deitu dituzte bertaratzera, «mahai inguru interesgarria izango da zalantzarik gabe».

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.