Gaikako bilketaren tasak 20 puntu egin duela behera ohartarazi du EH Bilduk
San Markoseko Mankomunitateak Pasaiako Udalari 93.000 euro itzuli behar dizkiola baietsi du koalizio abertzaleak.
EH Bilduko hautetsiak, plenoan
Gauzak honela, eta udal gobernu taldeak defendatu izan duenaren kontra EH Bilduk berretsi du 5. edukiontziaren sistema ez dela “ez merkeagoa ez eta garbiagoa ere”, eta nabarmendu du “jendeak lurrean uzten dituen zakar poltsak jasotzeagatik udalak gaur egun 15.000 euroko gainkostua duela”. Norabide berean zaborraren tasa igo izana deitoratu dute: “berdin da ondo sailkatzen duzun edo ez, dagoeneko erabaki dutelako zure zaborraren tasa igotzea”, salatu dute.
Pasaiako EH Bilduren ustez, hau guztiak badu helburu bat: “Gipuzkoan beharrezkoa ez den errauste planta bat eraikitzea, lobi ekonomiko aseezinen menetara”.
Horren aurrean arduraz jokatzeko deia egin du eta 2014. urtetik gaur arteko balorazio orokorra eta mankomunitateak egin behar duen diru itzulketa jasotzen duen txostena emateko eskatu dute.
