Hasierako kokapenean aldaketa izan du igogailuak, eta Beraun kaletik abiatuta, Jesus Gurdidi, Crisostomo Arriaga Julian Lavilla, eta Galtzaraborda etorbidea lotuko ditu, Beraun eta Galtzaraborda artean ardatza sortuta.
Legorburu eta Lemos agerraldian. Beraien atzean igogailua eraikitzea aurreikusitako espazioa.
Beraungo igogailuaren proiektuari heldu dio udalak. 700.000 euroko diru zatia aurreikusi du horretarako 2018ko aurrekontu proposamenean. Proiektua idaztea izango da lehen urratsa Bernar Lemos Hirigintza zinegotziak azaldu duenez. Lemosek, Jose Cruz Legorburu Ingurumen zinegotziarekin batera agerraldia egin du gaur goizean Beraun kalean, igogailua eraikiko duten eremuan. Hasierako kokapenean aldaketa izan du igogailuak, eta Beraun kaletik abiatuta, Jesus Gurdidi, Crisostomo Arriaga Julian Lavilla, eta Galtzaraborda etorbidea lotuko ditu, Beraun eta Galtzaraborda artean ardatza sortuta. Auzo elkartearekin kontrastatu ostean hartutako erabakia izan dela esan du Lemosek, “Beraun behea eta goiko aldea, eta Galtzaraborda lotzeko helburuari hobeto erantzuten diola ikusita”.
Auzoak mugikortasun ardatzen bidez lotzea haien arteko altura ezberdintasuna gainditzeko lehentasun politikotzat jo zuen gobernu taldeak Lemosen hitzetan, “finean Errenteriaren errealitatea hori da. Biztanle dentsitate handiak dituzten auzoak erdigunetik oso hurbil daude, baina altuera ezberdinean”.
Irisgarritasuna udalaren lan ildo garrantzitsuenetako bat dela agerian utzi du bere jardunak.
Beraun auzoan tramu ezberdinetan egingo diren igogailuek, hasieran bi izatea aurreikusi dute, erabiltzaile kopuru handiena izango dutela uste dute Lemosek eta Legorburuk, “inguru horretan bizi den pertsona kopurua kontuan hartuta”. Hala, apeaderoa Parke Kalearekin lotzen duen igogailuak hilean dituen 40.000 erabilera, edo Parke kalea Urdaburu kalearekin lotzen dituen igogailuaren hileko 35.000 erabilera berdintzera heldu daitekeela aurreikusi dute.
Pertsonak eta auzoak hurbiltzen dituen igogailua sarea geroz eta zabalagoa da. 2011 urtetik aurrera egin zituzten Agustinak (Resurreccion Maria de Azkue eta Markola lotzen dituena), Kaputxinoak (Basanoaga Telefonikarekin lotzen duena), Alaberga, eta Galtzarabordakoa (Parke eta Urdaburu kaleak lotzen dituena). Aurretik eginak zeuden, berriz, Fanderia (Fanderia eta Agustinak lotzen dituena), eta Kaputxinoak (Sorgintxulo eta Basanoaga lotzen dituena).
“Igo eta jaitsi egite den elementu bat izatetik harago doa sarea, pertsonen arteko zubia suposatzen duen egitura da”, esan du Lemosek, eta hitzeman du Beraungoa, gobernu taldeak abiatuko duen hurrengo igogailu proiektua izango dela.
