Ikuskan, gaur, beste zazpi aperitibo

Bihar emango dituzte jakitera aurtengo lan irabazleak.

olatz mitxelena

2017/11/16

‘Sonrie’ film laburra dago gaur ikusi ahal izango diren filmen artean.

Pixkanaka badoa aurrera XIX. Ikuska. Sail ofizialaren barruko hiru emanaldi egin dituzte jada eta gaur dute laugarrena eta azken aurrena. Gaurko egitarauan, zazpi film labur, zein baino zein erakargarriagoa: Les miserables (Frantzia); Sonríe (Espainia); Dentro del sistema (Espainia), New Neighbors (AEB); Lawman (AEB); Mary Mother (Afganistan) eta #Selfie (Alemania). 19:30ean hasiko da emanaldia Dionibaneko Jaunba Berasategi kulturgunean, eta 20:00etan, Trintxerpeko alkateordetzan. Sarrera, bi tokitan, debalde da. Bihar, sari banaketa Sail ofizialeko azken lanak bihar (hilak 17) arratsaldean emango dituzte, ordu eta toki berberetan, eta etzi, (hilak 18), 19:00etan, Trintxerpeko alkateordetzan, aurtengo lan irabazleak jakinarazi eta sariak banatuko dituzte. Jarraian proiektatuko dituzte saritutako lan guztiak emanaldi berezian. Ikuska, baina, ez da soilik sariketa. Lehiatik kanpo ere film labur asko ematen dituzte urtero, eta aurten oraindik ere badute zer eskaini lehiatik kanpo. Bihar gauean, esaterako, beldurreko eta intrigazko filmak emango dituzte, 22:30etik aurrera, Trintxerpeko alkateordetzan, eta igandean, azkenik, Emea eta Anitza zikloa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.