Beraungo udal estadioa, herritarrei zabalik
Beraungo Udal Estadioa zabalik izango da aurrerantzean herritarrek erabil dezaten. Astelehenetik ostiralera 09:30etik 16:30era erabili ahalko dute doan.
Beraungo Udal Estadioa zabalik izango da aurrerantzean herritarrek erabil dezaten. Erabakiarekin, Jarduera Fisikoaren eta Kirolaren Plan Integralean jasotako proposamenak bete nahi ditu udalak, “herritarrek bizimodu fisiko aktibo eta osasungarria izan dezaten mobilizatzea da helburua”.
Doan erabili ahalko dute interesdunek Beraungo estadioa astelehenetik ostiralera, 09:30etik 16:30era. Ordu horretatik aurrera, eskola kiroleko eta kirol federatuko taldeentzat erreserbatuta dago instalazioa. Futbol zelaia zein atletismo pistak erabili ahal izango dira, baina ez aldagelak edota argiteria. Estadiora, kantinaren eremutik sartu beharko dute eta derrigorrezkoa izango da instalazioak erabiltzeko arauak betetzea.
Beraungo Udal Estadioaren gaineko erabakia, orain hartu diren beste neurri batzuen osagarria da. Zehazki, Fanderiako frontoia eta Beraungo erabilera anitzetarako kirol pista jendearentzat doan irekitzearena. 
