Herritarrei txalo biblioteka berriaren proiektua aurrera ateratzeagatik

Pasaiako EH Bilduk Donibaneko herritarrak zoriondu ditu eta Udal Gobernu Taldeari liburutegietako murrizketak bertan behera uzteko eskatu dio.

olatz mitxelena

Pasaia

2017/11/24

Bibliotekaren Lagunak taldeko kideak, liburutegi berrian.

Maria Moliner saria eman diote Donibaneko biblioteka berriaren egitasmoari, eta EH Bilduk, aukera baliatu du herritarrak zoriontzeko: “Pasaiako EH Bilduk herritarren borroka tinko eta nekaezina eskertu eta zoriondu nahi du, izan ere, herritarrek proiektua bera diseinatzeaz gain, aurretik eta ondoren berau defendatu dute”. Herritarrentzako txaloak bai, baina ez udal gobernu taldearentzat. EH Bilduk salatu duenez, EAJ-PSE-EEren gobernuak “Donibaneko liburutegiari oztopoak jarri” eta taberna bat jartzeko asmoa tarteko, proiektua atzeratu dela salatu dute. Era berean, herriko liburutegi guztietan murrizketak ezarri dituztela salatu dute, eta horiek bertan behera uzteko eskatu dute. “Udal gobernuko kideei soldatak igotzeko badago dirua, baina ez liburutegiak irekita mantentzeko”, kexatu dira, eta Donibanen aurrera atera duten ereduaren aldeko apustuan berretsi dira: “EH Bildutik beste behin diogu liburutegiak ez direla liburuen biltegiak, herrian bultzatu nahi dugun bizitza kulturalaren parte direla, eta ildo horretan, liburutegietako murrizketak bertan behera gelditzeko eskatzen dugu”

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.