Ikasleak ere indarkeria matxistaren aurka

Koldo Mitxelena ikastetxeko ikasleek bat egin dute egunarekin, gaur, eta indarkeria matxistaren aurka azaldu dira. Lehenik ikasleek beraiek gairen gainean egindako bideoak ikusi dituzte ikasgeletan, eta gero jolastokian bildu dira Matxismoak hiltzen gaitu goiburua zuen pankartaren atzean.

Ikerne Zarate

Errenteria-Orereta

2017/11/24

Jolastokian egin dute indarkeria matxistare kontrako elkarretaratzea.

Azaroaren 25a, Emakumeen Kontrako Indarkeriaren Aurkako Nazioarteko Eguna izango da bihar. Koldo Mitxelena ikastetxeko ikasleek bat egin dute egunarekin, gaur, eta indarkeria matxistaren aurka azaldu dira. Lehenik ikasleek beraiek gairen gainean egindako bideoak ikusi dituzte ikasgeletan, eta gero jolastokian bildu dira Matxismoak hiltzen gaitu goiburua zuen pankartaren atzean. Oreretako Mugimendu Feministak egitarau zabala prestatu du azaroaren 25ari begira. Emakumeen Kontrako Indarkeriaren Aurkako Nazioarteko Egunaren harira, mural margoketa herrikoi musikatua, kotxe karabana, aldarrikapen ibiltaria, kontzertua eta manifestazioa antolatu dituzte. Oreretako Mugimendu Feministak murala nahi du egin, kolektiboa, “guztion artean osatu”, eta marrazki lehiaketa antolatu zuten horretarako. Irauli, bizi, borrokatu. Feminismoak askatuko gaitu leloa oinarri hartuta, marrazki koloretsu eta alaiak jaso dituzte. Naroa Galdosen marrazkiak irabazi du lehiaketa hori eta gaur hura oinarri hartuta Herriko plazan murala margotuko dute 17:00etan hasita. Musika ez da faltako, ezta luntxa ere. Biharko antolatu duten manifestazioa da indarkeria matxistaren aurkako egunaren barruko ekintza garrantzitsuena, ez bakarra ordea. Manifestazioa 19:00etan abiatuko da Herriko plazatik, eta Udaleko Berdintasunerako Kontseiluak bat egin du Oreretako Mugimendu Feministaren deialdiarekin. Aurretik kotxe karabana egingo dute, eta 10:00etan elkartuko dira horretarako Pontika auzoko aparkalekuan. Landare elkartean luntxa antolatu dute 11:00etan, eta ondoren aldarrikapen ibiltaria. Arratsaldez, berriz, kontzertuaz gozatzeko aukera izango da Mikelazulo Kultur Elkartean, Herrien Astearen barruan Mounqup abeslari galiziarrak kontzertua eskainiko du 20:00etan hasita.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.