Mugimendu feministak hainbat deialdi luzatu ditu biharko Emakumeen Kontrako Indarkeriaren Aurkako Egunaren harira.
![martxoak 8, harremantxo](http://oarsoaldea.hitza.eus/site/files/2017/03/harremantxo.jpg)
Aurten, San Pedron margotuko dute murala, indarkeria matxistaren kontrako mezuekin.
Pasaian A25aren atarian hainbat deialdi luzatu ditu mugimendu feministak.
San Pedron, Askalitz gazte taldeak antolatuta, eta
#nerekin hasten da lemapean mural handi bat margotuko dute frontoian, “indarkeria ez dutela onartzen ozen oihukatzeko”.
Murala herritarren aldarrikapen mezu eta marrazkiekin osatuko dute. Murala egiten 11:30ean hasiko direla iragarri dute eta bukatuta, 13:00ak inguru, argazkia egingo dute. Elastiko moreak jantzita jaisteko deialdia egin du Askalitzek.
Antxon, Harremantxok deituta, 11:30ean elkartuko dira Gure Zumardian aldarrikapenak prestatzeko, eta 12:30ean irtengo dira bertatik, herriari bira eman eta Antxoko kaleak aldarrikapenez jostera.
Elkargurutzatuz jositako sarea gara lelopean antolatu dute deialdia.
Trintxerpen, azkenik, elkarretaratzea egingo dute 12:30ean alkateordetzan, eta 16:30ean,
Ni una menos errezital poetiko musikala.
Horrez gain, manifestaziora deitu dute talde feministek. Bi deialdi daude: Donostiako manifestaziora batzeko deialdia (19:00etan Bulebarretik) eta Errenteria-Oreretako manifestaziora joatekoa (19:00etan, Herriko Plazatik).
Pasaiako Udalak, horrez gain, adierazpen instituzionala onartu du Emakumeen Aurkako Indarkeriaren Kontrako Nazioarteko egunaren harira.
Adierazpen Instituzionala