Donostiako ospitaleetarako autobus zerbitzua igande eta jaiegunetara zabaldu dute

Datorren igandetik (abenduak 3) aurrera igande eta jaiegunetan Donostiako ospitaleetara autobus zerbitzua jarriko dute martxan.

Ikerne Zarate Gartziarena

Errenteria-Orereta,Pasaia

2017/11/28

E03 eta E07 lineak hasiko dira zerbitzua eskaintzen igande eta jaiegunetan.

Datorren igandetik (abenduak 3) aurrera igande eta jaiegunetan Donostiako ospitaleetara autobus zerbitzua jarriko dute martxan. Orain astelehenetik larunbatera eskaintzen zerbitzu hori. Horrenbestez, E03 linea (Pasai Donibane-Lezo-Errenteria-Donostia) eta E07 linea (Pasai San Pedro-Pasai Antxo-Donostia) izango dira zerbitzu berria emango dutenak. Mugikortasun diputatu Marisol Garmendiak esan duenez “garraio publikoaren zerbitzuan hobekuntza izateaz gain, mugikortasun kolektiboa errazteko, premia errealei erantzuteko eta lurraldeko herritarrei zerbitzu egokia emateko berretsi nahi dugun apustua da”. E03 linea, 08:05ean jarriko dute martxan Pasai Donibanen, eta bi ordutik behin izango dira autobusak 20:05era arte. Poliklinikatik 09:35ean hasiko dira autobusak zerbitzua ematen eta autobusak bi ordutik behin izango dira 21:35era arte. E07 linearen kasuan, lehen zerbitzua 09:05ean hasiko da eta bi ordutik behin izango dira autobusak 21:05era arte. Poliklinikatik San Pedrora lehen zerbitzua 08:35ean izango da eta azkena 20:35ean. Bi ordutik behin izango dira kasu onetan ere autobusak. 2017ko lehen seihilekoan 165.400 erabiltzaile izan dituzte bi linea horiek, iazko aldi bereko baina 10.000 lagun gehiago.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.