Guztiok Mugituz saria Gurutze Gorriaren Herri Batzordearentzat

Mugikortasun iraunkor, osasungarri eta inklusiboa bultzatzea dute helburu sari horiek eta aurtengoa dute lehen edizioa.

2017/11/29

Gurutze Gorriak programa aurkeztu zuen Itzieta auzoan.

Guztiok Mugituz saria jasoko du Errenteriako Gurutze Gorriaren Herri Batzarrak. Mugikortasun iraunkor, osasungarri eta inklusiboa bultzatzea dute helburu sari horiek eta aurtengoa dute lehen edizioa. Zehazki, Mugikortasun seguru eta osasungarrirako ohiturak iniziatibagatik saritu du Gipuzkoako Foru aldundiak Gurutze Gorria. Horren bidez, adinekoek beren joan etorriak egiteko trizikloen erabilera normalizatua sustatzen da. “Geroz eta gehiago dira Gipuzkoan, egunez egun altruismoz, borondatez eta elkartasunez mugikortasun iraunkor eta inklusibo baten alde diharduten erakunde eta proiektu asko” dagoela nabarmendu du Mugikortasun diputatu Marisol Garmendiak eta Errenteriako Gurutze Gorriaren Herri Batzarraren esperientziaz aritu da, “2016az geroztik muga fisiko edo psikologikoak dituzten pertsonekin era autonomo, seguru eta osasungarrian mugitzeko aukera ematen dieten trizikloen erabilera sustatzearen bidez egiten duen lanak Gipuzkoako herritar guztien esker ona merezi du”. Mugikortasun seguru eta osasungarrirako ohiturak programan ia 400 lagunek hartu dute parte, eta adinekoei joan etorriak egiteko ohiturak hobetzen, triziklo bat erabiltzeko beldurra edo lotsa kentzen eta osasuna hobetzen laguntzeko Mugikortasun Seguru eta Osasungarriaren Eskola sortu dute. Hogei bat boluntario ari dira lanean horretan. Joan den apirilean jarri zuten martxan, eta Errenteria-Oreretako eguneroko paisaiaren parte bihurtu ditu diren bost triziklo eskaintzen ditu. Saria abenduaren 12an emango diote Errenteriako Gurutze Gorriari aldundian bertan izango den ekitaldian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.