Giza Eskubideen Nazioarteko Eguna izango da abenduaren 10ean, eta horren harira, egitarau zabala prestatu du Errenteriako Udalak hirugarrenez.
Errefuxiatuak Greziara bidean. ARGAZKIA: ACNUR
Giza Eskubideen Nazioarteko Eguna izango da abenduaren 10ean, eta horren harira, egitarau zabala prestatu du Errenteriako Udalak hirugarrenez.
Edozeinek, munduko edozein txokotan, izan beharko lituzke eskubide berberak goiburuarekin, bi erakusketa, bisita gidatua, dokumental eta film emanaldiak, mahai ingurua eta haurrentzako ipuin kontaketa antolatu ditu. Bihar bertan zabalduko dute egitaraua
Orinokia Venezuelako oihanaren gaineko erakusketarekin. Bertako biztanleak ezagutzeko aukera eskainiko du Xenpelar Etxeak hartuko duen erakusketak, abenduaren 1etik 16ra bitartean.
Ongi etorri errefuxiatuak, izango da beste erakusketa. Abenduaren 11n zabalduko dute Niessen merkatalgunean eta egun horretan bertan bisita gidatua egingo du SOS Arrazakeriak taldeak.
Interes eta egunerokotasun berezia izango du abenduaren 13an, asteazkena, antolatu duten mahai inguruak. Xenpelar Etxean izango da 19:00etan. Errefuxiatuen egoera eta bizipenen berri emango dute bertatik bertara, haiekin lanean ari diren Zaporeak, Mikelazulok, Salvamento Maritimo, eta Ongi Etorri Errefuxiatuak elkarteetako ordezkariek. Saioa
Migrar no es delito filmarekin hasiko dute.
Udaletik herritar guztiak animatu dituzte parte hartzera antolatutako ekintza ezberdinetan.
Egitaraua
- Abenduak 1, ostirala: Orinokia erakusketa zabalduko dute Xenpelar Etxeko erakusketa aretoan, abenduaren 16ra arte.
- Abenduak 11, astelehena: Ongi Etorri Errefuxiatuak erakusketa Niessengo merkataritza gunean abenduaren 16ra arte. Donde nace el sol dokumentalaren emanaldia Niessengo zienma aretoan 19:30ean.
- Abenduak 12, asteartea: Hotel Cambridge film brasildarra Xenpelar Etxean, Ozzinema elkartearen eskutik.
- Abenduak 13, asteazkena: Migrar no es delito film laburra eta mahai ingurua errefuxiatuen gainean Zaporeak, Salvamento Maritimo, Mikelazulo eta Ongi Etorri Errefuxiatuak elkarteko kideekin. 19:00etan Xenpelar Etxean.
- Abenduak 14, osteguna: Guatemala, espiritu de la memoria dokumentala Hirugarren Adina Hirugarren Mundurako elkartearen eskutik, 19:30ean Niessen zinematan.
- Abenduak 15, ostirala: Amazoniako ipuinak haurrei begira Lumaltik Herriak elkartearen eskutik Haurren liburutegian 17:30etik aurrera.
