Lezoko Gabonetako agenda, bete-betea

Gabonetako egunak hobeto pasatzeko aukera zabala prestatu du Lezoko Udalak. Urtea bukatu arte hamarnaka ekitaldi izango dira herrian.

Urko Etxebeste Petrirena

Lezo

2017/12/11

Hilaren 18an zabalduko dute Gabonetako liburu eta disko Azoka.

Musika, pailazoak, azokak, presoen aldeko jarduerak, dantza… Denetik dago Lezoko Gabonetako agendan. Negua badator, urtea badoa, eta 2017ari agur esateko zer modu hoberik, herrian antolatu direnetaz gozatzea baino. Behealdean dago ekitaldien zerrenda. Horien artean nabarmentzekoa urtero Kultura Aretoan egiten den disko eta liburu azoka. Aurten, hilaren 18tik 24ra egongo da zabalik, orotariko opariak erosteko aukerarekin. Lehenago, igande honetan, San Tomas Eguneko feria: has daitezela jaiak.

Lezoko Gabonetako egitaraua

Hilak 13, asteazkena

17:30ean, Musika Eskolan, Tomas Garbizu Musika Eskolako saxofoi taldearen eskutik audizioa.
18:15ean, Udal Liburutegian, irakurketa taldea Itxaso Martinen Ni, Vera liburuaren bueltan bilduko da.

Hilak 16, larunbata

12:30ean, Aitorn Bordatik abiatuta, kantu jira.
12:30ean, Gezala Auditoriumean, Gabonetako kontzertua Tomas Gabizu Musika Eskolako bandarekin.

Hilak 17, igandea

10:00etatik aurrera, San Tomas feria Karlos Saldise plazan.
20:00etan, Gezalan, Jexuxmai Lopetegi & Noizbehinkaren kontzertua, Itzal zaunka disko liburuan oinarritua.

Hilaren 18tik 24ra

Gabonetako disko eta liburu azoka Kultura Aretoan.

Hilaren 18an, astelehena

18:00etan, liburu eta disko azokan, Korri, Xalto eta Brinkoren liburuaren aurkezpena.

Hilak 20, asteazkena

18:00etan, Gabonetako kontzertua Gezalan Tomas Garbizu Musika Eskolako orkestraren eskutik.

Hilak 21, osteguna

18:00etan, Bekoerrota kiroldegian, Agure zaharraren oparia ipuin musikatua Tomas Garbizu Musika Eskolako talde koralaren eta instrumentalaren eskutik.

Hilak 22, ostirala

16:30ean, Gezalan, Itoitz, urpeko ipuinak ipuina kontatuko dute Olaia Inziartek eta Amaia Elizagoienek.
17:00etan, Musika Eskolan, Gabonetako audizioa Tomas Garbizu Musika Eskolako soka taldearen eskutik.
19:30ean, Gezalan, Aiton Borda eta Sutargi abesbatzen saioa.
20:00etan, Gurutze Santuaren plazan, presoen aldeko elkarretaratzea.

Hilak 23, larunbata

16:30ean, Gezalan, Iparraldeko Norman filma haurrentzat.

Hilak 24, igandea

12:00etan, Hator hator kantatzera ekimena Murixka taldearen Euskal Herria plazatik.
16:30ean, Gabonetako kalejira Aiton Borda eta trikitixa taldekoen eskutik.
18:30ean, San Pedro auzotik abiatuta, Olentzeroren kalejira.

Hilak 25, astelehena

11:30ean hasita, Badator Olentzero jarduera Musika Eskolatik Gurutze Santuaren plazara.
12:00etan, opari banaketa Gurutze Santuaren plazan.

Hilak 29, ostirala

20:00etan, presoen aldeko elkarretaratzea Gurutze Santuaren plazan.

Hilak 31, igandea

10:30ean, San Silbestre haur krosa Gurutze Santuaren plazan.
11:30ean, muxikoen tailerra Gurutze Santuaren plazan.
12:00etan, muxikoak plazan ere. Hamaiketakoa emango dute gero (salda, txorizoa…).
15:00etan, kopla zaharrak baserriz baserri.
18:30ean, Urte Zaharreko koplak Aiton Bordako abesbatzarekin eta Tomas Garbizu Musika Eskolako taldearekin, herritik zehar.

Urtarrilak 5, ostirala

12:00etan, Bekoerrota kiroldegian, Pirritx, Porrotx eta Marimotots pailazoen emanaldia. Sarrera: 8 euro.
19:00etan, erregeen kabalgata Lopenetik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.