Eguberri giroa heldu da, San Tomas azokarekin
Igandean azoka izango da Saldise plazan goizean, eta arratsaldean Jexuxmai Lopetegi & Noizbehinkaren kontzertua Gezalan.
Eguberriak gertu direla iragartzera heldu da igandean San Tomas azoka Lezora. Saldise plazan onduko duten ferian, txistorra dastatzeaz gain, erosketetako saskiak bertako produktu sortarekin hornitzeko aukera izango da. 10:00etan zabalduko da feria.
Baina azoka soilik ez. Igandeko kultur egitaraua osatzeko kontzertua izango da Gezalan 20:00etan. Itzal zaunka disko liburu ilustratuan oinarritutako kontzertua eskainiko dute Jexuxmai Lopetegi & Noizbehinka. Sarrerak 5 euro balio du.
Bihar, horrez gain, kantu jira irtengo da 12:30ean, kalez kale, eta ordu berean, baina Gezalan, Gabonetako kontzertua eskainiko du Tomas Garbizu Musika Eskolako Bandak.
Azkenik, gogoratu, kultura aretoan Gabonetako liburu eta disko azoka zabalik egongo dela.
