Errenteriako Udaleko Gazteria azpisailak Neguko oporrak programa abiatuko du bihartik hasita.
Beraungo gazteleku eta ludoteka.
Errenteriako Udaleko Gazteria azpisailak Neguko oporrak programa abiatuko du bihartik hasita. 0-17 urte arteko haur eta gazteei begira hamaika ekintza antolatu dituzte, azken horiek aspertu ez daitezen. Txikien Txokoa, 0-5 urte arteko haurrei begirakoa izango da eta hilaren 22, 23, 26, 27, 28,29 eta 30ean eta urtarrilaren 2,3 eta 4an (urtarrilaren 4an soilik ludoteketako erabiltzaileentzat) izango da zabalik 16:00etatik 18:45era Jose Luis Caso aretoan. Familia giroan egoteko guraso eta haurrei zuzendutako espazioa izango da. Helduek lagunduta izan beharko dute, beraz, haurrek.
Haurren Txokoan, 6-12 urte arteko haurrak arituko dira egun beretan. Goizetan Errenteriako ludoteketan egingo dituzte ekintzak 11:00etatik 13:00etara, eta arratsaldez, Jose Luis Caso aretoan, 16:00etik 19:00etara.
4 urtetik aurrerakoentzat, gainera, Zinema Niessetan zinema izango da bi goizetan, 11:00etatik aurrera (ateak 10:30ean zabalduko dituzte). Hilaren 23an,
Ballerina filma emango dute, eta 30ean
Zipi eta Zape. Gonbidapenak zinema saio aurreko ostiralean banatuko dituzte arratsaldez Merkatuzarren eta sarrera kopurua mugatua da. 10 urtetik beherako haurrek heldu batez lagunduta joan beharko dute, eta heldu bakoitzak gehienez hiru haur eramatea izango du.
Nerabeentzat Gaztelekuetan programa keta berezia egingo dute eta doakoa dira. ondoren egitaraua
Egitaraua
Nerabeak 12-17 urte
- Bihar, ostirala: Lehiaketa eta tailerrak Beraungo gaztelekuan (17:30-20:30)
- Etzi, larunbata: Ginkana Beraungo gaztelekan (17:30-20:30)
- Hilak 26, asteartea: Lehiaketa eta tailerrak Beraungo gaztelekuan (17:30-20:00)
- Hilak 27, asteazkena: Lehiaketa eta tailerrak Beraungo gaztelekuan (17:30-20:00)
- Hilak 28, osteguna: Izuaren Etxea Aldakoenean (beraun) (17:00-21:00)
- Hilak 29, ostirala: Kotiloia Gabierrotako Gaztelekuan (17:00-21:00)
