Lezo-Jaizkibelerako dortsal guztiak, agortuta

Lezo-Jaizkibel mendiko lasterketako dortsalak ordu gutxian agortu egin dira. Seaskaren alde bideratuko dute partaideen izen emate bakoitzeko euro bat.

Urko Etxebeste Petrirena

Lezo

2018/01/02

Iazko edizioko podiuma.

Urteroko klasiko bihurtzen ari da. Urte berrira sartzeko kanpaikadak entzun, eta Lezo-Jaizkibel mendiko lasterketan izena eman. Biak bat ia-ia. Bada aurten ere antolatzaileek salmentan jarritako 350 dortsalak agortu egin dira, ordu gutxitan. Aurten ere elkartasun helburua izango du lehiak: izen emate bakoitzeko euro bat Seaskarentzat izango da, Hendaiako ikastolan hobekuntza lanak egin ditzaten. Urteko lehen eguneko 00:00etan zabaldu zen otsailaren 18an egingo den Lezo-Jaizkibel mendiko lasterketaren bosgarren edizioko izen emate epea, eta ziztu bizian agortu egin ziren dortsalak. Oraindik ere izena eman daiteke, baina hori egiten dutenak itxaron zerrendara joango dira. Hau da, jada plaza dutenek huts egiten badute, horiek lortzeko aukera dute itxaron zerrendan daudenek. Otsailaren 18ko lasterketa 10:00etan hasiko da plazatik. Ondoren, 10:15ean, ohikoak diren haurren lasterketak izango dira. Lasterketa nagusiaren, nahiz bestelako informazio gehiago, honako helbideetan:

Jarraian, iazko edizioko hainbat argazki galeria ikusteko aukera:

2017ko Lezo-Jaizkibel lasterketa, helmugako eta sari banaketako irudiak.
2017ko Lezo-Jaizkibel lasterketa, Jaizkibelgo argazkiak.
2017ko Lezo-Jaizkibel lasterketa, herriko giroko argazkiak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.