Azeri Dantzaren entseguak ostegunean hasiko dira

Herritarren parte hartzea sustatu nahian dabiltza azken urteetan, "festa ederragoa egiteko oraindik", eta lehen hitzordua hilaren 11n (osteguna) egin dute 20:00 Merkatuzarren.

Ikerne Zarate

Errenteria-Orereta

2018/01/08

Azeri Dantzak hasiko ditu inauteriak ostegunean.

Gabonak amaitu berri dira, eta inauteriekin pentsatzen hasiak dira dagoeneko asko eta asko. Horietako bat Ereintza Dantza Taldea da. Urte asko dira inauteriei hasiera ematen dien Azeri Dantza antolatzen duela, eta aurten ere bera arduratuko da mozorroen festa abiatzeaz. Horri begira, entseguak antolatu dituzte Ostegun Gizenarekin batera emanaldi ikusgarri, alai eta koloretsua egiteko Herriko plazan. Herritarren parte hartzea sustatu nahian dabiltza azken urteetan, “festa ederragoa egiteko oraindik”, eta lehen hitzordua hilaren 11n (osteguna) egin dute 20:00 Merkatuzarren. Entseguak, hilaren 18an, 25ean eta otsailaren 1ean errepikatuko dituzte ordu eta leku berean. Aurten otsailaren 8tik 13ra egingo dituzte inauteriak, eta Azeri Dantza, zehazki otsailaren 8an izango da. Ereintzak herritar guztiak gonbidatu ditu parte hartzera, “Azeri Dantza eta inauteriak aberastera”. Azken batean dantza baino jolasa omen da Azeri Dantza, edonork egiteko modukoa dantza taldearen esanetan. Animatzen direnek, mezua bidali behar dute Udaleko Kultura saileko posta elektronikora, edota Ereintza taldearen helbidera.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.