Pentsio publiko eta duinak eskatu ditu Duintasunak

Duintasunaren esanetan, langile eta pentsiodunek Gipuzkoako Foru aldundiari 3.593 euro emango dizkiote, diru sarreren %77a.

Ikerne Zarate

Errenteria-Orereta

2018/01/08

Elkarretaratzea eta manifestazioa egin ditu Duintasunak.

Elkarretaratzea eta manifestazioa egin ditu Duintasunak gaur. Urte berriarekin batera, pentsio publiko eta duinen alde egin dute bildutako hamarnaka lagunek. Duintasunaren esanetan, langile eta pentsiodunek Gipuzkoako Foru aldundiari 3.593 euro emango dizkiote, diru sarreren %77a , enpresa handi eta ertainei egin beharreko ekarpena %15 jaitsiko dien bitartean. Pentsiodun eta jubilatuen elkarteak gogor salatu du neurria, “izan ere, zerga bilketaren datuek zama fiskala langile eta pentsiodunen bizkar uzten dutela erakusten du argi eta garbi, kapitalak eta enpresek beren etekinak handitzen dituzten bitartean”. Datuak eskutan, Gipuzkoan badela nahikoa aberastasun pertsona ororen eskubideak ziurtatzeko dio elkarteak, eta horrela, gutxieneko soldata 1.200 eurokoa, gutxieneko pentsioa 1.080 eurokoa, eta herritar ororentzat gutxieneko diru sarrera bermatu daitekeela. Bultzatzen diren politikekin ordea, herritarrak pobreziara eta prekarietatera kondenatzen dituztela salatu du, eta azken horri aurre egiteko, gehiengo sozialaren zerbitzura egongo den zerga politika baten beharra nabarmendu du: “Progresibitatean, justizian eta zuzentasunean oinarritutako zerga politika eskatzen dugu, aberastasuna modu bidezkoagoan banatuko duena”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.