Pasaia handitzen ari da

Pasaiak 176 biztanle gehiago ditu; Azken bi urtetan barruti guztietan egin du gora biztanle kopuruak, batez ere Antxon.

olatz mitxelena

2018/01/10

Pasaiako Udalak erroldako datuak oinarri hartuta udalerriaren bilakaera demografikoa aztertu eta argitaratu du. Guztira 16.428 lagun bizi dira gaur egun Pasaian; 2.288 Donibanen; 2.988 San Pedron; 5.288 Antxon eta 5.870 Trintxerpen. Azken urtean barruti guztiak hazi dira, bereziki Antxon; 130 antxotar gehiago daude. Lau ataletan banatu du udalak informazio demografikoa:

Azken mendeko bilakaera demografikoa;
Azken hamarkadetako bilakaera xehatua;
Azken hamarkadetako bilakaera, barrutiz-barruti
Adinaren eta sexuaren arabera egindako biztanleen piramideak: Orokorra eta barrutiz-barrutikoa.

Grafiko guztiak udalaren webgunean kontsulta daitezke. Berriro ere hazten Azterketan ikus daitekeenez, Pasaiak bere gaina 1970. hamarkadan izan zuen. Orduan, 20.000 biztanletik gora iristera iritsi zen. Ordutik 2.000 urtera arte beheranzko joera argia izan da. 15.422 pertsona zeuden erroldatuta Pasaian 2.000 urtean. 16.000 biztanleen langa 2006 gainditu zuen Pasaiak, eta zazpi urtetako apalalditxoaren ondotik, badirudi berriro ere hazten ari dela udalerria. 2012. urtetik hona urtero egin du gora biztanle kopuruak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.