Abau-Errenteria zeharkaldiaren azken etapa egingo du Urdaburuk
Kausoko lepotik Errenteria-Oreretara egingo dute ibilaldia, eta bidean, Oianleku, Arritxurieta eta Altzibartik pasako dira.
Urdaburu Mendizale Elkarteak Abau-Errenteria zeharkaldiaren azken etapa egingo du hilaren 20an (larunbata). Kausoko lepotik Errenteria-Oreretara egingo dute ibilaldia, eta bidean, Oianleku, Arritxurieta eta Altzibartik pasako dira. Zeharkaldia 4,30 ordukoa izango da. Azken etapa izango dela eta Beraun Bera elkartean bazkaria egingo dute hura amaituta, eta hori dela eta, irteerarako izena emateko garaian zehaztu egin bharko da bazkarira joateko asmoa duten edo ez parte hartzaileek. Irteera 07:30ean egingo dute Zumardiko autobus geltokitik. Izena eman nahi dutenek, elkartearen egoitzara joan behar dute astearte eta ostegunetan 19:30etik 21:30era edo 943 52 78 79 telefono zenbakira deitu egun eta ordu beretan. Bestalde, Urdaburu Mendizale Elkarteak urteko irteeren egutegia prestatu du. Hori, ondoko PDFan kontsulta daiteke.