Bigarrenez erasotu dute Bixi-Bixi elkarteak Donibaneko puntetako pasealekuan segadan hildakoen oroimenez jarritako oroigarria.
Nabarmen kaltetu dute oroigarria, baina ez dute kentzerik lortu.
Pasaiako segadan hildakoen
oroigarria bigarrenez erasotu dute. Hala jakinarazi du Bixi-Bixi elkarteak. Larunbata gauean izan omen da erasoa.
Argazkian ikus daitekeenez, palanka baten laguntzaz saiatu dira kentzen, eta torloju batzuk kendu dituzten arren, saiakera alferrikakoa izan da. Bixi-Bixi elkarteak aditzera eman duenez, lehen erasoaren ondoren, indartu egin zuten, eta horregatik eutsi du oroigarriak. Hala ere, kalteak nabarmenak dira.
Bixi-Bixi elkarteko kideek ahalik eta azkarren konpondu dutela iragarri dute.