Indoor triatloia burutzeko 500 metro igerian, 8 kilometro bizikletan eta beste 3,25 korrika egin beharko dituzte partaideek, banaka edo taldeka.
Iazko edizioan, bizikleta saioa bitartean.
Otsailaren 3an egingo dute, Fanderiako kirol instalazioetan, herriko VI. Indoor Triatloia. Bertan bakarka, taldeka eta familia taldeetan parte hartzeko aukera izango da. 15:00etan hasiko da.
Errenteriako kirol instalazioen bazkideentzat izen emate epea hilaren 8an zabaldu zen. Gaurtik aurrera, berriz, bazkide ez direnek dute izena emateko aukera.
Igerian 500 metro, bizikleta estatikoan 8 kilometro, eta lasterka 3,25 kilometro egin beharko dituzte partaideek (banaka doazenek denak segidan; taldeka doazenek pertsona bat behar dute lan bakoitzerako).
Izena, Fanderiako kirolgunean eman behar da.