100 urte bete ditu Maria Jesus Sainz Ganborenak

Maria Jesus Sainz Ganborena errenteriarrak 100 urte bete zituen herenegun, eta hori de la eta Jaione Karrikiri alkate ordearen bista jaso zuen.

Ikerne Zarate Gartziarena

Errenteria-Orereta

2018/01/19

MariaJesus-Sainz eta Jaione Karrikiri.

Maria Jesus Sainz Ganborena errenteriarrak 100 urte bete zituen herenegun, eta hori de la eta Jaione Karrikiri alkate ordearen bista jaso zuen. Lore sorta ere eman zion Karrikirik, familiarekin eguna pasa zuen Sainzi. Biteri kaleko 1. zenbakian jaio zen duela mende bat, eta ordutik Xenpelar kalean bizi izan da. Anaia bakarra zuen, eta elkarrekin bizi izan ziren hura hil arte. Ez batak, ez besteak ez zuen seme-alabarik eduki, baina hala ere, familiarte sendoa du Sainzek, lehengusuz, eta haien seme-alabez eta bilobez osatua. Etxean lan egiten zuen, baita kanporako brodatuak ere. Garai batean haien bizilekua oso ezaguna izan zen herrian, trolebusak han ematen zuelako buelta, eta bertan iristen ziren La Voz de España egunkariak beren etxean utzi eta kioskoetako saltzaileek bertatik jasotzen zituzten. Sustrai nafarrak ditu, ama goizuetarra eta aita iruindarra baitzituen. Gazteetan Touring futbol taldearen jarraitzaile. Gaur egun, erroldaren arabera, hamar biztanle daude herrian 100 urte edo gehiago dituztenak. bederatzi emakumeak dira, eta bat gizona. Zaharrenak, 105 urte ditu.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.