Oiartzungo Elizalde ikastetxeko guraso elkarteak
sehaska kanten tailer bat antolatu berri du,
transmisioari heldu, eta kanten bidez guraso eta haurren arteko lotura emozionala sendotu asmoz.
Sehaska kanten tailerra, Elizalden, guraso elkarteak antolatuta.
Sehaska kanten gaineko tailerra egin zuten iragan larunbatean Oiartzungo Elizalde ikastetxean, guraso elkarteak antolatuta.
Kulunkan egitasmoko kide Arantxa Ansak eta Alaitz Guridik gidatu zuten tailerra, guraso elkarteko ordezkariek kontatu dutenez, «okasiorako ederki apaindutako gelan, txokolate beroaz eta kanturako gogoz» lagunduta.
Familia giroan eta «arratsalde pasa zoragarria» igarotzeko osagai guztiekin, ikastetxean bildutako haur eta helduek, guztiak dibertitu ziren eta gozatu zuten.
Alaitz Guridik jakinarazi duenez, orain baino lehen tailer bera Oiartzunen eskaini dute, Abaraxka ludotekaren eta Herri Musikaren Txokoaren eskariz hain zuzen ere. Donostiako hainbat tokitan ere eskaini dute, Guridik gogoratu duenez, Donostia 2016 Kultur Hiriburutzaren testuinguruan jaio zelako Kulunkan egitasmoa.
«Fitxa batzuk argitaratu genituen ilustrazio oso-oso polit batzuekin, eta ilustrazio horien atzealdean abestien letrak eta partiturak», jakinarazi du. Material hori guztia, abestien audioak barne,
kulunkan.eu webgunean zintzilikatu eta bertan eskuragarri dauden edonorentzat.
Baina Kulunkan egitasmoaren helburua anbizio handiagokoa zen. Ez zuen argitalpen huts bat izan nahi, eta horregatik Guridik eta Ansak tailerra eskaintzen jarraitu dute: «Familiak sentsibilizatu nahi ditugu, eta ikustarazi zein garrantzitsua den umeei abestea».
Zentzu horretan «sehaska kantak zein altzoan jolastekoak etxekoen ahotik» jasotzeak duen garrantzia nabarmendu du gaian adituak, transmisio zuzen horrek «lotura emozionala indartu egiten duelako». Ahots polita izatea, gainera, ez da ezinbesteko baldintza: «Nahiz eta guri ahotsa ez iruditu izugarri polita, umeak ahots hori lasaitzen du beste edozeinek baino gehiago».
Transmisioari eutsi
Kantatzeko ohiturari eustea izan da Kulunkan egitasmoaren beste xede bat. «Iruditzen zitzaigun galtzen ari zela kantatzeko ohitura», eta sehaska kantak «kultur ondare» direla ulertuta ekin zioten lanari. Dena, hala ere, ez omen dago galduta. «Jende helduak gogoratzen ditu; oso barruan gordetzen ditugun kantak dira», dio Guridik, ikastaroetan baieztatutakoa oinarri.
Askotariko kantak jorratu ohi dituzte tailerrean, ezagunak batzuk, baina baita ezezagunagoak diren beste hainbat ere, hain zuzen ere, horiek gehiago zabaldu asmoz:
Kunkun lo lo, Arre arre mandako, Bonbolon bat eta bonbolon bi… Lehenbizi eredua eman eta ondoren elkarrekin kantatzera animatzen dituzte haurrak eta gurasoak.
Sehaska kantei, azkenik, beste balio bat aitortu die Guridik: «Hizkuntzarekin asko jolasten da, eta bustidura asko erabiltzen direnez, horiei eusteko tresna oso egokia dira».
Herritik herrirako
Tailer honekin gertatu antzera asko dira Elizaldeko guraso elkarteak herri osoari zabalik antolatzen dituen jarduerak, «eskola herrian txertatzea», eta beren seme-alaben heziketa «lau hormaren barruan soilik ez garatzea», garrantzizko eginkizuntzat dituztelako.
Bertso bazkaria, San Nikolas Eguna, Neguko Feria, Santa Ageda, Ihoteak… Horiek denak gutxi ez balira, udaberrian sexu heziketaren gaineko beste tailer bat antolatuko dute.
Kantatzeko ohiturari eustea izan da Kulunkan egitasmoaren beste xede bat. «Iruditzen zitzaigun galtzen ari zela kantatzeko ohitura», eta sehaska kantak «kultur ondare» direla ulertuta ekin zioten lanari. Dena, hala ere, ez omen dago galduta. «Jende helduak gogoratzen ditu; oso barruan gordetzen ditugun kantak dira», dio Guridik, ikastaroetan baieztatutakoa oinarri.
Askotariko kantak jorratu ohi dituzte tailerrean, ezagunak batzuk, baina baita ezezagunagoak diren beste hainbat ere, hain zuzen ere, horiek gehiago zabaldu asmoz: Kunkun lo lo, Arre arre mandako, Bonbolon bat eta bonbolon bi… Lehenbizi eredua eman eta ondoren elkarrekin kantatzera animatzen dituzte haurrak eta gurasoak.
Sehaska kantei, azkenik, beste balio bat aitortu die Guridik: «Hizkuntzarekin asko jolasten da, eta bustidura asko erabiltzen direnez, horiei eusteko tresna oso egokia dira».
Herritik herrirako
Tailer honekin gertatu antzera asko dira Elizaldeko guraso elkarteak herri osoari zabalik antolatzen dituen jarduerak, «eskola herrian txertatzea», eta beren seme-alaben heziketa «lau hormaren barruan soilik ez garatzea», garrantzizko eginkizuntzat dituztelako.
Bertso bazkaria, San Nikolas Eguna, Neguko Feria, Santa Ageda, Ihoteak… Horiek denak gutxi ez balira, udaberrian sexu heziketaren gaineko beste tailer bat antolatuko dute. 
