Inauterietan herri bazkaria izango da, aurten ere
Txartelak gaur jarri dituzte salgai herriko hainbat taberna eta saltokitan. Otsailaren 3a izango da erosteko azken eguna.
Inauteri batzordeak herri bazkaria antolatu du aurten ere mozorro eta kolore festari begira. Otsailaren 10ean, larunbatarekin izango da bazkaria Merkatuzarren 14:00etan, eta gaur hasi dira txartelak saltzen. Helduek 15 euroan eskuratu ditzakete eta haurrek 10ean, Reyna Tabernan, Xera Gastrotekan, Aralar tabernan, eta Xenpelar kulturdendan. Menu beganoa ere eskainiko dute, eta azken horretarako txartelak Sindikato tabernan erosi daitezke. Azken eguna, otsailaren 3a izango da.
Inauteri batzordeko kideek herritar guztiak deitu dituzte bazkarian parte hartzera eta aurtengo inauterien oinarri izango diren ofizioez mozorrotuta azaltzera. 
