Zubiak eraikitzen jarraitzeko, 13.000 euro

Ipar Euskal herriko ikastolei laguntzeko 13.000 euro bildu ditu Orereta Ikastolak.

2018/01/23

Luzatu Esku(h)ara iniziatibaren aurkezpena pasa den azaroan.

Ipar Euskal herriko ikastolei laguntzeko 13.000 euro bildu ditu Orereta Ikastolak. Joan den abenduaren 22an Benito Lertxundi abeslari oriotarraren kontzertua antolatu zuen, eta sarreretatik bildutako dirua Urruña, Hendaia, Biriatu eta Ziburuko ikastolak laguntzera bideratu du. Xanti Moriones Orereta Ikastolaren lehendakariak, eskerrak eman dizkie “bihotzez” kontzertua antolatzeko lanetan aritu diren ehunka herritar, abbesle, irakasle, ikasle ohi, langile eta gurasoei. Baita Lertxundi eta bere lantaldeari. Errenteriako Udalari eta Oninart komunikazio taldeari aipamen berezia egin die, Morionesek, “emandako laguntzagatik”. Herritarren erantzuna “ikusgarria” izan dela gaineratu du Orereta Ikastolako lehendakariak, “horrek indarra ematen digu bi lanetan jarraitzeko: gure herriaren alde, gure proiektu pedagogikoa eta herrigintza uztartuz, batetik; eta Euskal Herria euskalduna eraikitzeko bidean, zubiak eraikiz eta zeharkatuz jarraitzeko, bestetik”. Bildutako diru guztia Ipar Euskal Herriko ikastolen beharrak asetzeko baliatuko dute orain, “hango proiektuak posible egiteak, gurea ere posibleago egiten duelako; haiena eta gurea, azkenean, bide bera delako”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.