Trintxerpeko anbulatorioko igogailua zerbitzutik kanpo egongo da
Konponketa lanak egin behar dituzte Rikardo Arrillaga kalean.
Konponketa lanak egin behar dituzte Rikardo Arrillaga kalean eta hori dela eta lanek iraun bitartean Euskadi Etorbidea eta Rikardo Arrillaga lotzen dituen igogailua ezingo dela erabili ohartarazi du udalak.
Obrak asteartean hasiko dira (hilak 30) eta aurreikuspenen arabera egun bat edo bi iraungo dute.
Antxon, margotze lanak
Astelehenean (hilak 29), berriz, Antxoko hainbat puntu eta bidegurutzeetako lurreko seinalizazioa margotzeko lanak hasiko direla iragarri dute.
Hasiera batean, lanak trafikoa moztu gabe egitea aurreikusi dute, eta gune korapilatsuenak gauez egiten saiatuko direla agindu dute. Edonola ere, eguraldiaren arabera hartuko dituzte erabakiak, tenperatura hotzegia baldin bada pintura ez omen delako ondo itsasten. 
