[Galeria] Kuadrillen negua, urtarrila epeltzeko

Kuadrillen Negua ospatzen ari dira gaur hamarnaka lagun. Hirugarren aldia da egiten dutela, eta 100 lagun inguru bildu dira Merkatuzarren egiten ari diren bazkarian.

Ikerne Zarate Gartziarena

Errenteria-Orereta

2018/01/27

Kuadrillen Neguaren hirugarren ekitaldia da aurtengoa.

Kuadrillen Negua ospatzen ari dira gaur hamarnaka lagun. Hirugarren aldia da egiten dutela, eta 100 lagun inguru bildu dira Merkatuzarren egiten ari diren bazkarian. Madalenetako Kuadrillen eguneko parte hartzera heldu gabe, formatu txikiagoan ari dira gaur, baina gauza bat ziurra da, urtarrileko hotza soinetik astinduko dute antolatu duten egitarauarekin. Kuadrilla egunaren oinarriak aintzat hartuta, auzolanean aritu dira aurretik, 10:0etan hasi dira prestaketa lanak Merkatuzar aurreko plazan eta 11:00etan hasi dira kuadrillak kalderete lehiaketarako kozinatzen. 14:00etan hasi dira, Merkatuzarreko barrualdean, egindakoa dastatzen, gazte, ez hain gazte, baita haurrak ere, denak kuadrilla giroan. Eta hori lortu dute, giro polita bazkal orduan. Oilokiegiren kontzertua helduko da bazkal ostean, eta bakarrizketa antolatu ere antolatu dute. Nerea Arriola youtuber-ak hartuko du Merkatuzarreko oholtza. handik kalera aterako dira, eta Kuadrillen Egunean ohikoa den poteoa egingo dute, furgonetaren atzetik. Musika Dj Txankletak jarriko du aurten, eta giroa haren atzetik dantzan eta abesten arituko diren kuadrillak. Eguna amaitzeko berriz, ordu txikietan, Sindikato tabernan Mojito Gaua atolatu dute. Dj Bortxek jarritako musikarekin gozatuko dute tabernak ateak itxi arte.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.