Ludoteketan izena eman nahi dutenek otsailean dute aukera
4 eta 12 urte bitarteko haurrentzat da zerbitzua.
Txokoak dituzte ludoteketan, eta mozorroen txokoak arrakasta handia izan ohi du.
Ludotekak gizarte eta hezkuntza ekipamenduak dira, haurrek jolaserako leku bat izan dezaten bermatzeko sortuak. Gazteria Departamentuaren zerbitzua, Kantauri Ludiko Elkarteak kudeatzen du, Antxon, Donibanen eta San Pedron.
Jolas librea izaten da ludoteketan ardatz, baina beste jarduera asko ere eskaintzen dira; tailerrak, eskulanak, irteerak…
Euskaraz jolas eginez, bertara jotzen duten haurrek eskolaz kanpo euskaraz egiteko tokia topatzen dute, eta bide batez, irudimena, sormena, eta beste hamaika balore hezitzaile barneratzen dituzte.
Hiru ludotekek ekainera bitartean izango dira zabalik, astelehenetik ostiraleta17:00etatik 20:00etara eta larunbatetan 11:00etatik 13:00etara. Asistentzia librea da eta izena ematen duten haurrek ez dute zertan egunero joan behar.
Ikasturte erdiko matrikularen prezioa 28,10 euroko da, eta izena emateko unean ordaindu behar dira.
Interesdunek, helduek zein haurrek, instalazioak aurretik ezagutzeko aukera izango dute, aurrez hitzordua hartuta.
Matrikula norbere ludotekan egin beharko du:
- San Pedro/Trintxerpe: Espinosa de los Monteros plaza. Tel: 943 39 25 10. Posta elektronikoa: kantauriludoteka@gmail.com.
- Donibaneko ludoteka: J.J Otaegi plaza. Tel: 943 51 72 90. Posta elektronikoa: doniludoteka@gmail.com.
- Antxoko ludoteka: azoka eraikina. Tel: 943 51 06 45. Posta elektronikoa: antxoludoteka@gmail.com.
