Oarsoaldea Igeriketako neskak, Gipuzkoako txapeldun erreleboan

Azpeitian hilaren 3an eta 4an egindako Gipuzkoako Alebin Eskola txapelketatik domina mordoarekin heldu dira etxera Oarsoaldekoak.

Ikerne Zarate

Errenteria-Orereta,Lezo,Oiartzun,Pasaia

2018/02/12

Marka onak egin dituzte Oarsoaldea Igeriketa Elkarteko alebinek. Argazkia: Oarsoaldea Igeriketa Taldea

Oarsoaldea Igeriketa Elkarteko neskak Gipuzkoako Txapeldun dira 4×100 estilo erreleboan. Azpeitian hilaren 3an eta 4an egindako Gipuzkoako Alebin Eskola txapelketatik domina mordoarekin heldu dira etxera Oarsoaldekoak, gainera, eta pozik da elkartea emaitzekin. Emakumeetan, Elene Perez Perezek, pokerra lortu zuen. lautik lau urre eskuratuta, 100 eta 200 bular, eta 200 eta 400 estilotan. June Cia Susperregik bi urre lortu zituen 100 tximeletan eta 100 estiloetan, eta brontzea, 200 estiloetan. Erreleboetan, berriz, bi brontze lortu zituezten Oarsoaldea Igeriketa elkarteko neskek (4×100 eta 4×200 libre probatan), Elene Perezek Perezek, June Cia Susperregik, Elaia Altuna Aristizabalek eta Ainhoa Bacchi Kortajarenak osatutako taldearekin. Laukote horrek berak lortu zuen urrezko domina, eta Gipuzkoako txapela 4X100 estilo erreleboan. Gizonetan, bikain aritu zen Jorge Ortega Etxeberri. Hiru urre lortu zituen (100 libre, 100 bizkar eta 200 estilotan) eta zilarrezkoa (200 bizkarrean). Igerilari guztiak bikain aritu zirela esan du elkarteak, “jarrera bikaina erakutsi dute talde bezala, eta argi dugu halako talderik gabe ez litzatekeela halako emaitzarik”. Igerilari guztiek, gainera, marka pertsonalak hobetu dituzte txapelketan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.