Denak uretara

Eskola igeriketa kanpainaren ekitaldi berria martxan jarri du Errenteriako Udalak. Horretan, 360 haur baino gehiagok hartuko du parte ekainera arte.

Ikerne Zarate

Errenteria-Orereta

2018/02/14

Ekainera bitarte luzatuko da kanpaina. Argazkia: Herri Bizia

Eskola igeriketa kanpainaren ekitaldi berria martxan jarri du Errenteriako Udalak. Horretan, 360 haur baino gehiagok hartuko du parte ekainera arte 20 eguneko iraupena izango duten hainbat txandatan. Kanpainaren helburua, igeriketa sustatzea da eta horri begira, praktikoa izaten da, eta ikasleek igeriketaren oinarrizko trebetasunak garatu eta egiten duten jarduera fisikoa areagotzea bilatzen du. Baita ikasle guztiak integratzea, eta horretarako, udalak behar bereziak dituzten ikasleei begira laguntzarako begiraleak ditu. Lehen Hezkuntzako lehenengo eta bigarren mailako ikasleak dira hartzaileak, eta programa Galtzaraborda eta Fanderiako igerilekuetan egiten ari dira. Udalak %80an eta foru aldundiak %20an finantzatzen dute. Ikastaroak, noski, euskaraz dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.