700. urteurrenaren ospakizunak prestatzeko batzordea sortzeko eskatu du PSE-EEk

Villanueva de Oiarso izena jarri ziotenetik 700 urte beteko dira 2020 urtean, eta urteurren horren ospakizunak prestatzeko batzorde bat sortzeko eskatu dio PSE-EEk udalari.

Ikerne Zarate Gartziarena

Errenteria-Orereta

2018/02/19

Errenteriaren 1915. urteko irudi bat. (Javier Recuerda Reinak Flickr plataforman duen bildumatik hartutakoa).

Villanueva de Oiarso izena jarri ziotenetik 700 urte beteko dira 2020 urtean, eta urteurren horren ospakizunak prestatzeko batzorde bat sortzeko eskatu dio PSE-EEk udalari. 700 urte dira hiribildua sortu zenetik, 1320. urtean Gaztelako Errege zen Alfontso XIk hiri-gutuna eman zion udalerriari Villanueva de Oiarso izenarekin: “Data hori berezia izango da, eta uste dugu garrantzitsua dela merezi duen moduan ospatzea. Joan den urteko martxoan bozeramaileen batzorde batean eskatu zuen gure alderdiak batzorde bat sortzea horretarako. helburua alderdi politiko guztiek eta herriko eragile eta elkarteek elkarlanean antolatzea ospakizuna”. Urtebete pasa bada ere, eskaeraren gaineko erantzunik ez dutela jaso esan du PSE-EEko bozeramaile Jose Angel Rodriguezek, “alkatearen erantzuna oraindik denbora dagoela izan da. 2020 urteak aukera handiak eskaini ditzakeela uste dugu, gure herriaren irudia kanpora zabaltzeko. Horrek ordea, antolaketa, elkarlana eta denbora handia eskatzen ditu eta horren harira, urratsak egiten hasteko eskatu nahi dugu berriz ere”. Errenteria izena da ofiziala egun. Aurretik Villanueva de Oiarso izan zen, 1320an Gaztelako errege Alfonso XI hiribildu bihurtu zuenean. Horren aurretik, ordea, Orereta izena izan zuen. 1495ean Oiartzun eta Orereta bereizi zituzten Espainiako Errege Katolikoek, La villa de la Rrenteria izena jarrita Errenteriari.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.