Ezin etxean irabazi

21-24 galdu du Donibane Eskubaloiak Urdaneta taldearen kontra.

olatz mitxelena

2018/02/20

Ordizian dute partida Donibane Eskubaloi taldekoek.

Partida ona egin zuten, baina hala ere galdu. Nahi baino gehiago ari zaio kostatzen Donibane Eskubaloia taldeari etxean puntuak gehitzea. Erasokor zelairatu ziren larunbatean, eta hasieran partidaren gidaritza ere izan zuten beren esku. Baina bikain aritu zen aurkarien atezaina, eta bi taldeen arteko diferentzia goletan txikia izan zen une oro. Joko akats txiki batzuk tarteko atsedenaldirako Loiukoek aurrea hartu zuten: 9-12. Arrosek, hala ere, ez zuten etsi, eta partidaren bigarren zatian golen diferentzia txikitzea ere lortu zuten. Baina alferrik. Ahalegina handia egin zuten arren, puntuak ihes egin zieten beste behin. Porrotak, baina, borrokan jarraitzeko indarra eman die arrosei, eta aste honetan gogotsu ekingo diote liderraren kontra duten partidari. 18:00etan dute partida, Donibanen, Basauriren kontra. Zaleen babesa eskertuko dutela ziurra da. Jokalariak eta golegileak: Haritz Perez (7), Aritz Frias (4), Ibai Borges (3), Jose Gonzalez (2), Jokin Batalla (2), Xabi Duarte (1), Ion Escribano (1), Jon Gajate (1), Iñaki Atxukarro, Agus Santos, Iñigo Yagüe, Asier Oiarbide eta Cristian Cobeña.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.