Pala txapelketa irekia aurrera doa

Pala txapelketa irekia berotzen hasi da. Joan den asteburuan 11 partida jokatu zituzten, eta datorrenean beste hainbeste izango dira.

Urko Etxebeste Petrirena

Oiartzun

2018/02/21

Zutik: Elizazu anaiak, Bidegain aita (epailea), Bidegain II eta Gomez; makurtuta, Ubeda, Zumeta, Erburu eta Etxabeguren.

Ari da martxa hartzen apurka Euskal Herriko Pala Txapelketa Irekia, Josetxo Gamioren omenezkoa. Joan den asteburuan beste 11 partida jaso zituen Madalensorok, denak gizonen hiru mailetakoak. Beti bezala, emozioz beteriko lehiak izan ziren batzuk, eta besteetan, berriz, alde handiak izan ziren markagailuan. Girizia Kultur, Jolas eta Kirol elkarte antolatzaileak horietako batzuk nabarmendu nahi izan ditu. Horietako bat da Ubeda-Zumeta gipuzkoarrek eta Etxebaguren-Erburu nafarrek jokatutakoa, Lehen Mailakoa hori. Ikusteko zegoen lehen aldiz parte hartzen diren nafarrek nola aurre egingo zioten txapelketari, eurentzat den-dena berria baita —pilotalekua, pilota…—. Hala, oso maila handiko partida eskaini zuten gipuzkoar beteranoek eta nafarrek, azken emaitza 25-21 izan zelarik Ubeda-Zumetaren alde. Bigarren Mailan ikusgarria, oso, izan zen Bidegain oiartzuarrak eta Gomez donostiarrak osatutako bikoteak Elizazu anai hondarribiarren kontra jokatu zuena. Bukaera arte oreka handia izan zen markagailuan, azkenean, balantza Bidegain eta Gomezen alde jarriz 25-23koarekin bukatzeko. Jarraian, joan den asteko emaitzen koadroa, eta asteburu honetarako kartelera:

Otsailaren 17 eta 18ko emaitzak

Hirugarren Maila

Arregi/Urreaga-Etxeberria Etxarri 25-11
Diaz/Odriozola-Ferrero Nuin 15-25
Bengoetxea/Larreategi-Iraola-Garmendia 25-13
Ruiz/Zubimendi-Larreategi-Barandika 15-25
Pujana/Pagoaga-Garbisu-Martinez 25-12
Izkierdo/Silanes-Askaiturrieta-Juaristi 22-25
Agirre/Mendigain-Alegria/Urigoitia 25-20
Galdos/Juarez-Unsuain/Fierro 25-23

Bigarren Maila

Urruti/Madariaga-Martinez/Berho 25-12
Bidegain/Gomez-Elizazu/Elizazu 25-23

Lehen Maila

Etxabeguren/Erburu-Ubeda/Zumeta 21-25

Otsailaren 24 eta 25eko partiden kartelera

Larunbat goizeko partidak (08:00etatik aurrera)

Mitxelena/Berebide-Iriarte/Gamio (Bigarren Mailakoa).
Etxabeguren/Erburu-Larralde/Inda (Lehen Mailakoa).
Lozano/Muñoa-Irazustabarrena/Murgiondo (Bigarren Mailakoa).
Lizaso/Etxabe-Zapirain-Susperregi (Hirugarren Mailakoa).

Larunbat arratsaldeko partidak (14:30etik aurrera)

Antxordoki/Telletxea-Errasti/Urdanpilleta (Lehen Mailakoa).
Araba/Olaizola-Perez/Perez (Bigarren Mailakoa).
Luixa/Luixa-Etxeberria/Etxarri (Hirugarren Mailakoa).

Igande goizeko partidak (08:00etatik aurrera).

Salaberria/Huegun-Aizpuru/Dagerre (Lehen Mailakoa).
Alustiza/Etxebeste-Mitxelena/Laborde (Bigarren Mailakoa).
Galdos/Juarez-Getaria/Flores (Hirugarren Mailakoa).
Pujana/Pagoaga-Iribar/Iribar (Hirugarren Mailakoa).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.