[Galeria] Ibilgailu klasikoena da errepidea gaur

128 auto eta 15 motozikleta ari dira parte hartzen, Don Boscok antolatu duen zeharkaldiaren zortzigarren ekitaldian.

2018/02/24

Ibilgailu klasikoen zeharkaldia egin du gaur Don Boscok.

Don Bosko Lanbide Heziketako Institutuak antolatuta auto klasiko eta aurre klasikoen zeharkaldia egiten ari dira gaur. 128 auto eta 15 motozikleta ari dira parte hartzen, zeharkaldiaren zortzigarren ekitaldian. Auto bereizak ikusteko aukera izango da, bai zeharkaldian bertan, zein Don Boscon bertan egunean zehar. Pozik azaldu dira antolatzaileak zeharkaldiak izan duen erantzunarekin, “parte hartzaile ugari bildu dira aurten ere zeharkaldira eta goizean jende asko izan da Don Boscon bertan auto eta motozikleta klasikoak ikusten”. Foru plazaren inguruan zuten kontrol puntuetako bat antolatzaileek, eta bertan ere, jendeak izan du autoak ikusteko aukera. Parte hartzaileek 104 kilometroko bidea egin beharko dute, eta zeharkaldian, Errenteria-Orereta, Pasaia, Lezo, Oiartzun, Irun, Hondarribia herriak pasako dituzte eta Jaizkibel ere zeharkatuko dute. Don Boskon 09:00etan hasi dute erakusketa, eta 11:30ean lehen parte hartzailea abiatu da. Don Bosko zeharkaldia ez dela ez lasterketa ezta rallya ere nabarmendu dute antolatzaileek “parte hartzaileek trafiko arauak errespetatu beharko dituzte”. Etxalarren bazkalduta, Errenteriara itzuliko dira parte hartzaile guztiak eta Don Boscon 17:00etatik 19:00etara ibilgailu klasikoak ikusteko aukera izango da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.