Gaur aurkeztu dituzte egitarauaren zehaztasunak egin duten agerraldian, eta bihartik hasita martxoaren 27ra arte izango dira ekintzak.
Martxoak 8aren harira antolatutako egitaraua aurkeztu dute.
Emakumeen Nazioarteko Egunaren harira, egitarau zabala eta aberatsa antolatu dute Oreretako Mugimendu Feministak, auzoetako emakume taldeek, eta Errenteriako Udalak. Gaur aurkeztu dituzte egitarauaren zehaztasunak egin duten agerraldian, eta bihartik hasita martxoaren 27ra arte izango dira ekintzak. Errenteriako Udalak aho batez onartu duela greba feministarekin bat egitea nabarmendu du Garazi Lopez de Etxezarreta Berdintasun zinegotziak, “oso garrantzitsua da eta aipamen berezia egin nahi nion. herriko emakume eta udal langile guztiak deitu ditu udalak greban parte hartzera. Berezia izango da aurtengo Martxoaren 8a, 170 herrialde baino gehiagotan greba deialdia egin dutelako. Gurean, mugimendu feministak emakume guztiak planto egin eta grebara deitu gaitu”.
Mariasun Landa sarien banaketa nabarmendu du, bestalde, Lopez de Etxezarretak. Martxoaren 10 izango da, 13:00etan hasita pleno aretoan. Horrekin batera, mahai inguruak, , solasaldiak, erakusketak, antzerkia eta zine emanaldia ere ez dira faltako. Azken hori, Amaltaz talde feministak antolatuko du aurten ere, hamalaugarrenez. Bi pelikula eta dokumental bat antolatu dituzte:
Figuras ocultas filma emango du martxoaren 1ean;
Raketistak lehen eta orain, hilaren 15ean; eta
Ba bahar filma, martxoaren 22an. Guztiak doakoak dira, eta Niesen aretoan emango dituzte 18:00etan.
Aurten ere antolatu dute emakumeen jaialdia. Auzoetako emakume taldeen eskutik martxoaren 7an helduko da, eta Galtzarabordako kiroldegian egingo dute dantza erakustaldia 17:30etik aurrera,
Emakumeen eskubideetan aurrera, eta atzera pausurik ez goiburuarekin. Horren harira, auzoetako emakume taldeen izenean mintzatu da Ana Sueiro, eta borrokatzeko hamaika modu daudela nabarmendu du, “manifestazioak antolatzea da bat, baina ez bakarra, gure jaialdia ere borroka egiteko beste modu bat da. Hura prestatzeko ikasi egiten dugu eta jendeak ikusita aitortu egiten du gure lana”.
Martxoaren 8ko plantoari begira antolatutako ekintzak azaldu dituzte agerraldian, eta bertan parte hartzera deitu dituzte emakume guztiak. Bi manifestazio egingo dituzte, bata 12:30ean, eta bestea 19:30ean, herriko plazatik abiatuta. Bigarrena, Oarsoaldekoa izango da.
martxoaren 8ko lanuztean parte hartzera deitu dituzte emakume guztiak gaurko agerraldian eta horretarako hamaika modu daudela esan dute: “Lantegi eta ikasgeletan lanuzteetara batuz, mobilizazioetarako joanez, amantala balkoitik zintzilikatuz, merkatuan kontsumitzeari utziz, greba zabalduz, zaintzeari utziz, edota, besoko morea jantziz”.
Martxoak 8, Egitarau osoa
