Adierazpen askatasunaren aldeko elkarretaratzea babestuko du Errenteria Irabaziz-ek

Adierazpen askatasunaren alde eta Mozal Legearen aurkako elkarretaratzea egingo dute igandean Errenteria-Oreretan. #Hablamos iniziatibak deitu du elkarretaratzera Ez dago askatasunik adierazpenik gabe goiburuarekin.

Ikerne Zarate Gartziarena

Errenteria-Orereta

2018/03/01

Errenteria Irabazizeko zinegotziak. Basurto falta da argazkian

Errenteria Irabazizeko zinegotziak. Nagore Basurto falta da argazkian

Adierazpen askatasunaren alde eta Mozal Legearen aurkako elkarretaratzea egingo dute igandean Errenteria-Oreretan. #Hablamos iniziatibak deitu du elkarretaratzera Ez dago askatasunik adierazpenik gabe goiburuarekin. Azken hilabeteetan adierazpen askatasunaren kontra egindako erasoak salatzea dutela helburu azaldu du iniziatibak: “Alfredo Remirez Armiarma operazioaren barruan espetxeratu dute twitterren ‘terrorismoagatik preso dauden hainbat lagun gorestea’ leporatuta. Casandra Vera, El Jueves aldizkariko zuzendaria eta zuzendari ordea, Cesar Strawberry abeslaria, edo Pablo Haselen adierazpen askatasuna eraso dute”. Berriki, Arco Ferian zentsuratutako erakusketa, Nacho Carrretero idazlearen Fariña liburuaren bahiketa, edo Valtonyc artistari ezarritako zigorrak ere aipatu ditu iniziatibak. “hamarkadak atzera egiten ari garela erakusten dute horiek guztiek”, salatu dute, eta Mordaza Legeak “intolerantzia” eta askatasunen murrizketa giroa sortu duela erantsi, “demokrazian onartezina den giro arnastezina sortuta”. Hausnarketarako eremuak zabaltzeko beharra aldarrikatu dute, eta hori gizarteari dagokiola diote, “adierazpen askatasuna murrizten ar diren bitartean, ez dituztelako ustelkeriaren kontrako, etxebizitza duina bermatzeko, gizarte legislazioaren gaineko, edo gizon eta emakumeen arteko parekidetasuna lortzeko neurririk hartzen. Horiek urgentziazkoak dira”. Horrenbestez, herritarrak “dike” izatera deitu ditu “eskubideen atzerakada” gelditzeko, “kalera atera behar dugu haserrea erakustera, adierazpen askatasunaren alde hura erabilita, eta alderdi politikoei bat egiteko eskatzera lege horrekin erakundeetatik amaitzeko”. Elkarretaratzea 12:00etan izango da Herriko plazan, eta Errenteria Irabaziz alderdiak babestu du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.