Ez daude amore emateko prest

33-26 galdu du Donibane Eskubaloiak Arrasateren kontra.

olatz mitxelena

2018/03/06

Ordizian dute partida Donibane Eskubaloi taldekoek.

Zaila doa denboraldia Donibane Eskubaloiarentzat. Garaipen bat lortu nahi dute arrosek, zaleei dedikatu, baina ezin, ez dute lortzen. Taldea, edonola ere, ez dago etsitzeko prest. Arrasateren kontrako partidan, galdu arren txukun aritu ziren, lehiakor, eta batez ere partidaren lehen erdia oso borrokatua izan zen. Arrasatearrak partidaren bigarren zatian lortu zuten errenta, partidari erritmo biziagoa jarriz eta arrosen akatsak ederki baliatuz. Jokoan hobetzen ari da astetik astera arrosen taldea, eta sentsazio on horien indarra baliatuta larunbatean garaipena lortu nahi dute etxean, Ordiziaren kontra jokatuko duten partidan. (Ordua zehazteke). Jokalariak eta golak, azken jardunaldian: Jose Gonzalez (7), Iñaki Gonzalez (5), Haritz Perez (3), Agus Santos (3), Aritz Frias (2), Ibai Borges (2), Ion Escribano (1), Xabi Duarte (1), Iñaki Atxukarro (1), Jokin Batalla (1), Iñigo Yagüe, Asier Oiarbide eta Cristian Cobeña.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.