Konpromiso bat euskararen alde, bakoitzak nahi duena, eta horrekin batera komunitate bateko kide izan. Hori da 'Bat eta bat ez gara bi'-ren xedea.
Egitasmoaren aurkezpenekoa da irudia.
Urrian aurkeztu zenetik 425 pertsona batu dira
Bat eta bat ez gara bi egitasmora, hau da, bakoitzak bere esparrutik eta bere neurriko konpromisoarekin euskararen alde eragiteko asmo irmoa adierazi dute.
Urrian aurkeztu zen
Bat eta bat ez gara bi egitasmoa, Oarsoaldeko herritarrak euskararen alde aktibatzeko eta euskararen aldeko euren konpromisoa adierazteko. Jose Angel Sanchezek Oarsoaldea Garapen Agentziaren egungo lehendakariak adierazi duenez, konpromisoa adierazteko kide gehiago behar dira, eta oraindik euren konpromisoa adierazi ez dutenak izena emateko eta hori adierazteko garaiz daudela gogorarazi du. Horretarako
www.oarsoarrak.eus webgunean sartu eta bertan dagoen formularioa bete beharko dute.
Zozketak
Bat eta bat ez gara bi-ko kide izateak, euskarari bultzada emateak dakarren gozamenaz gain, baditu abantailak. Esaterako, egitasmora gehitu diren guztien artean hainbat otordu zozkatu dira eskualdeko jatetxeetan, eta bi lagunentzako otordu bana irabazi dutenak hauek izan dira:
- Asier Berrocal (Ontziola jatetxean, Pasai Donibane)
- Ander Arruti (Oriotarra jatetxean, Lezo),
- Sergio Mielgo (Leunda jatetxean, Pasai Antxo),
- Lorea Añorga (Gaztelu jatetxean, Errenteria),
- Goiatz Oiartzabal (Intxixu jatetxean, Oiartzun)
- Xanti Esnaola (Xera gastrotekan, Errenteria-Orereta).
