Bi final handi, txapel bat

Azkenean txapel bat lortu dute ordea, errenteriarrek, eta ez da marka makala. Ohorezko Mailako Seniorren larruzko paletan Zidorra elkarteko Solana eta Tempranok osatutako bikotea garaitu zuten EPLEko Eskisabel eta Rubenek, markagailua 35-26 jarrita Adurtza-Gasteizen.

Ikerne Zarate

Errenteria-Orereta

2018/03/12

Urmeneta eta Aranburu beste finalistekin eta ordezkariekin batera.

Errenteriako pilotazaleentzat asteburu garrantzitsua izan da. Izan ere, kluben arteko Euskal Ligako finalak jokatu dituzte, eta horietako bitan izan du ordezkaritza EPLEk Errenteriako Pilotazaleen Lagunen Elkarteak. Ginga jarri nahi zuten, eta bi horietan txapela eskuratu. Azkenean txapel bat lortu dute ordea, errenteriarrek, eta ez da marka makala. Ohorezko Mailako Seniorren larruzko paletan Zidorra elkarteko Solana eta Tempranok osatutako bikotea garaitu zuten EPLEko Eskisabel eta Rubenek, markagailua 35-26 jarrita Adurtza-Gasteizen. Partida paregabea egin zuten errenteriarrek. Yorel Martinez pilotariari aipamena egin dio EPLEk: “Titulu honi ekarpen handia egin dio Martinezek, larruzko paletaren taldekide izan da bost partidetan”. Seniorren Eskuz Binakakoan ez zen txapela heldu. Tarte txikiz, baina EPLEko Urmeneta eta Aranburuk amore eman zuten Ojuel eta Azpitarteren aurrean, 20-22 markagailua utzita. Ordubete eta hogei minutuko partida gogorra, eta lau pilotariek ondo jokatu zutena. Txapelketako partidarik onenetakoa ziurrenik Zumarragan atzo jokatu zutena. 20ra berdinduta izan ziren, baina azkenean ez zuten lortu garaipena EPLEkoek. Emaitzeai begiratuta, EPLE errefrentziazko taldea bihurtzen ari dela diote arduradunek, “lanean jarraitzea dagokigu”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.