Itsas hondakinen arrantzarako kanpaina martxan da, berritasunekin

Aurten bigarren hezkuntzako ikasleak izango dira kanpainaren protagonistak.

olatz mitxelena

2018/03/12

Itsas zabalean bistaratzen dituzten hondakinak arrantzatzen dituzte boluntarioek.

Itsas kutsaduraren gaineko sentsibilizazioa lantzeko helburuz Mater itsasontzi museoak urtero Ekofish kanpaina antolatzen du. Kanpaina bitartean boluntarioek itsas zabalean topatzen dituzte hondakinak arrantzatu ohi dituzte, modu horretan, gaiarekiko sentsibilizazioa landu asmoz. Aurtengoa laugarren kanpaina izango da, eta hainbat berritasun iragarri dituzte arduradunek. Tokiak toki egingo dute lan, eta bigarren hezkuntzako ikasleei parte hartzeko aukera eskaini diete. Oiartzungo Haurtzaro ikastola eta Elizalde ikastetxeko DBH 3ko ikasleak dira parte hartzen ari diren ikasleetako batzuk. Lehorrean egin dituzte lehenbiziko lanak ikasleekin, eta ondoren emango diete Mater itsasontzi museoan itsasoratu eta hondakinak arrantzatzeko aukera. Bien bitartean, gaiaren gaineko ikerketa lanak egin dituzte, Ontzien Sailkapen Planta bisitatu dute, eta Jaizkibelgo itsasertzean izan dira, han pilatutako hondakinak bilduz eta sailkatuz. Kanpaina, edonola ere, mundu guztiari zabalik da eta parte hartu nahi dutenek posta elektronikoz eman behar dute izena. Hilaren 25era bitartean egingo dira irteerak, eta hondakinak arrantzatu bitartean talde dinamikak egingo dituzte eskifaia “eko-aktibo” bihurtze aldera. Programatutako itsas irteera egunetan eguraldi txarra egokituz gero, lehorrean egiteko moduko programazio alternatiboak garatu dituzte, eta horrez gain, hil honetan, astearte eta asteazken arratsaldetan museoa zabalduko dute interesa duen orori kanpainaren gaineko informazioa emateko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.