[Bideoa eta galeria] Antxotarrak, erronka betean

'Ahobizi' eta 'Belarriprets'-ak hizkuntza ohituretan eragin eta euskararen erabilera handitzen saiatuko dira.

olatz mitxelena

2018/03/16

Gogotsu ekin diote erronkari antxotarrek.

Jende txiki askok, leku txikietan, gauza txikiak eginez… mundua alda dezakeela erabat sinetsita, Antxoko Euskaltzaleen deialdiari erantzun diote hamarnaka haerritar, eta atzotik abian den Ahobizien eta Belarriprest-en desafiora bildu dira. Erronka, hizkuntza-ohituretan eragin eta euskararen erabilera handitzea. Atzo egin zuten iniziatibaren aurkezpena, Gure Zumardian. Juanjo Bujandak piztutako suziriek eman zioten hasiera ekitaldiari, eta txalapartariek goratu zuten atarikoa. Ondoren, Junkal Mintegiak hartu zuen hitza, Antxon gau eskolak zabaldu zirenekoak gogora ekarri eta deialdiaren nondik norakoak azaltzeko. Mintegiak aurreratu zuenez Antxon asteburu honetan egingo dena, Euskaraldirako entsegua da. 11 eguneko erronka izango da Euskaraldia, Euskal Herri osoan egingo dena, azaroaren bukaeran eta abenduaren 3ra bitartean. Mintegiaren azalpenak bukatuta, Haritz Casabalek bertsoz plazaratu zituen erronkaren gainekoak, eta Eva Ortega Ahobiziak eta Julen Etxeberria Belarriprestak norbere rolaren gaineko azalpenak. Gaurko eta biharko antolatutakoak gogora ekarriz eta mokadutxoa eginez bukatu zuten ekitaldia, Gurutz Oiartzabalek deialdirako logoak maisuki marraztu bitartean. Egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.