Mugi txartela herrian bertan eska daiteke

HAZ bulegoetan izapidetzea ahalbidetzeko hitzarmena sinatu dute udalak eta aldundiak.

olatz mitxelena

2018/03/20

Mugi garraio txartela da erabiltzaileek gehien erabiltzen dutena.

Hilaren 26tik aurrera pasaitarrek Mugi txartela eskatu eta eskuratu ahal izango dute HAZeko udal bulegoetan. Horretarako hitzarmen sinatu berri dute Pasaiako Udalak eta Gipuzkoako Foru Aldundiak, eta garrantzitsutzat jo dute akordioa bi erakundeetako arduradunek, MUGI garraio txartela delako herritarrek gehien erabiltzen dutena. Zentzu horretan, Pasaiako alkate Izaskun Gomezek azpimarratu du “Mugi txartelaren abantailak eta beherapenak orain gertuago dauzkatela pasaitarrek”. Bestalde, Marisol Garmendiak adierazi du “Mugi faktore inportantea dela Pasaiako komunikazioak sendotzeko”. Eskatu edo berritu, biak egin daitezke Txartela eskatu nahi duten herritarrek arreta zerbitzura joan behar dute argazki batekin; euren datuekin inprimakia bete eta dagokion dokumentazioa aurkeztu. 5 euro balio du Mugi txartela egiteak. Txartel berriak eskatzeaz gain, txartelak berritzeko ere eska daiteke HAZ bulegoetan, hondatu edo galduz gero.

Mugi txartela honako garraiobide hauetan bidaiatu daiteke:

Gipuzkoako hiri barruko autobusetan (Donostia, Irun, Errenteria, Eibar, Zarautz, Arrasate, Hernani eta Lasarte-Oria).
Lurraldebuseko hiriarteko autobusetan.
Taxibus zerbitzuetan eta
Euskotreneko tarifadun zerbitzuetan.

Mugi txartelarekin ordainduz gero abantailak eta beherapenak lortzeko aukera dute erabiltzaileek. Gainera, Mugi sistemarekin Oiartzungo herri barruko autobusa erabil daiteke, Renfeko Donostiako aldirietarako txartelak eskura daitezke, eta Bilbo eta Gasteizko tranbietako bidaiak ordain daitezke. Zerbitzua handitu

Izaskun Gomezek eta Marisol Garmendiak nabarmendu dutenez, HAZeko Antxo, Trintxerpe eta Donibaneko bulegoetan, iaz, 20.400 gestiotik gora bideratu zituzten eta hitzarmen berri honi esker Pasaiako HAZek bere zerbitzuak areagotuko dituela ohartarazi dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.