Borrokan jarraitzeko prest dira pentsiodunak

Duintasunak berriro hartuko ditu kaleak astelehenean. Pentsio duinen alde lanean eta borrokan jarraitzeko prest dira pentsiodunak

Ikerne Zarate Gartziarena

Errenteria-Orereta

2018/04/05

Emakumeen egoera latza nabarmendu dute gaurko mobilizazioetan.

Duintasuna elkartearen mobilizazio jendetsuetako bat.

Duintasunak berriro hartuko ditu kaleak astelehenean. Pentsio duinen alde lanean eta borrokan jarraitzeko prest dira pentsiodunak, eta gezurretan ari direnek aurrez aurre izango dituztela esan dute. pentsio publiko duinak bermatzea gobernuen betebeharra dela, baita etengabe KPI Kontsumorako Prezioen Indizea etengabe eguneratzea: “Gezurretan ari dira, beraz, pentsioak langileen kotizazioekin soilik mantendu behar direla diotenean”. “Jasanezina” dela egoera erantzi du Duintasunak, “batez ere bakarrik bizi diren adinekoentzat, eta bereziki, alargunentzat. Berogailua piztuz gero, ezin dute botikarik erosi, eta biak erosiz gero, jateko adina ere ez zaie geratzen”. Erretiratuak “hauteskunde merkantzia” gisa erabiltzea leporatu die alderdi politikoei, “gure botoak baino ez zaizkie interesatzen, eta buelta eman orduko, zakarrontzira botatzen dituzte”. Pentsioak %0,25 igo izana “onartezintzat” jo du berriz ere, “erosketak %1,5 igo diren bitartean. Aurrez aurre izango gaituzte kalean, baita hauteskundeetan ere”. Hori guztia salatuko du Duintasunak, eta 1.080 euroko gutxieneko pentsioak aldarrikatu astelehenean (hilak 9) Herriko plazan 11:00etan hasita egingo duen elkarretaratzean eta ondorengo manifestazioan. Orain arte bezala, pentsiodunak eta gainontzeko herritarrak deitu ditu bat egitera, “pentsioena, guztion arazoa delako”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.