Eraldaketa Feministarako Eskola hiru ikastaro berrirekin dator. Hilabete honetan hasi eta ekainean amaituko dira.
Aurreko eskolen aurkezpen bat
Eraldaketa Feministarako Eskola hiru ikastaro berrirekin dator. Hilabete honetan hasi eta ekainean amaituko dira eta honakoak dira: Autodefentsa feminista, Autestimua eta ahalduntzea, eta Eraldaketarako ezagutza eta norbere zaintza.
Autodefentsa ikastaroa Emaginek emango du maiatzaren 12an Patxiku Zelaia emakume taldearen lokalean. Parte hartzaileek erasoak identifikatzen ikasiko dute, eta indarkeria nola sortzen eta eraikitzen den ikusiko dute, baita dituen ondorioak ere.Tresna eta ekintzak bilatuko dituzte, bestalde, eguneroko eraso egoerei erantzuteko.
Pepa Bojok gidatuko du Autoestimua eta ahalduntzea tailerra ostiral honetan bertan hasita, hilaren 13an, ekainaren 1a arte Merkatuzarreko balioanitz gelan 15:00etatik 17:00etara. Gazteleraz izango da tailer hori, eta generoaren arabera autoestimua nola eraikitzen den ikasiko dute parte hartzaileek, eta harreman osasungarria izaten beren buruarekin.
Hirugarren ikastaroa, Eraldaketarako ezagutza eta norbere zaintza Kontxi Lopezek gidatuko du. Hilaren 19an hasiko da eta ekainaren 14ra arte ostegunero egingo dute 18:00etatik 20:00etara Merkatuzarreko balioanitz gelan. Azken hori gazteleraz izango da, eta garapen pertsonalean eta autoezagutzan sakondu eta beren bizipenak hobetu nahi dituzten emakumeei zuzenduta dago; nork bere buruarekin nahiz gainontzekoekin harreman askeagoak, osasuntsuagoak eta atseginagoak nola eraiki ikasi nahi duten emakumeei.
Beste lau ikastaro eta talde martxan jarraitzen dute Eraldaketa Feministarako Eskolan. Ikastaroak honakoak dira: Irakurle eskola feminista (hilabeteko azken asteartean Xenpelar Etxean, 18:00etatik-20:00etara); Munduko emakumeen literatura (hamabostean behin astearteetan 18:00etatik 20:00etara Merkatuzarreko balioanitz gelan); Indarkeria Ikusezinari aurre egiten (Astelehenero 18:00etatik 20:00etara Merkatuzarreko balioanitz gelan); eta Emakumeak eta osasuna, elkartzeko eta ikasteko gunea (Ostegunero 18:00etatik 20:00etara Galtzarabordako Gure Goizalde Emakume taldearen lokalean).
Martxan diren taldeak berriz, Sorburu autolaguntza taldea ( asteazkenero 17:30etik 19:30era Merkatuzarreko balioanitz gelan); Emakume zaintzaileentzako topagunea (asteartero 15:45etik 18:00etara Galtzarabordako Gure Goizalde Emakume taldearen lokalean); Elkar ezagut dezagun kulturarteko elkarrizketak (hilabeteko bigarren ostegunetan 10:00etatik 12:00etara eta laugarren ostegunetan 17:30etik 19:30era Merkatuzarreko balioanitz gelan); eta Talde autogestionatua (astelehenero 17:30etik 19:30era Patxiku Zelaia emakume taldearen lokalean).
Ikastaro eta taldeak doakoak dira eta gaur bertan zabaldu da izena emateko epea. Parte hartu nahi dutenek Zu! Zure udala zerbitzuan online eman dezakete izena edo
posta elektronikora mezua bidalita.
