Lezoko kirol taldeen artetik egun gehien jokoan duena Allerruren gizonen talde nagusia da. Igoerarako borrokan ezin dute hutsik egin, bihar, Plazetan.
Allerruren gizonen taldeak Astigarragako Mundarro jasoko du bihar etxean. Argazkia: Carrera.
Lezoko kirol taldeen artean, uneotan gehien jokoan duena Allerruren gizonen talde nagusia da. Erregional Ohorezko Mailara igotzeko borrokan dabiltza zuri-berdeak, eta hara zuzenean igotzeko Erregional Preferenteko bere multzoko lehena izan behar du; bigarren dira egun, Deusto-Donostiatik bi puntura. Horregatik, liga bukatu arteko bost partidak final antzekoak izango dira lezoarrentzat, lehena bihar Plazetan.
18:15ean jasoko dute Astigarragako Mundarro taldearen bisita. Sailkapenaren erdian daude hain justu astigarragarrak, ez hotz ez bero egiten duen tokian. Hortaz, ez dute ezer jokoan jaitsierarako arriskurik ez dutelako, eta ezinezkoa dutelako igoeraren aukera. Beraz, jokoz eta motibazioz, Allerruk igoera zuzenarekin amesten jarraitzeko hiru puntu eraman beharko lituzke, dena ondo bidean, zakura.
Hori horrela, honakoak dira herriko taldeek asteburuan jokatuko dituzten norgehiagokak:
FUTBOLA
Gizonen Erregional Preferentea
- Allerru-Astigarragako Mundarro, bihar (larunbata) 18:15ean Plazetan.
Emakumeen Erregionala, Kopa
- Allerru-Oiartzun, bihar (larunbata) 16:00etan Plazetan.
Gizonen Lehen Erregionala, Kopa
- Euskalduna-Allerru, bihar (larunbata) 19:30ean Andoaingo Ubitarte zelaian.
Gizonen Gazteen Lehen Maila, Igoera Fasea
- Zestoa-Allerru A, bihar (larunbata) 18:45ean Zestoako Iraeta zelaian.
Gizonen Gazteen Lehen Maila, Kopa
- Hondarribia B-Allerru B, bihar (larunbata) 11:00etan Hondarribiko Hondartza zelaian.
ESKUBALOIA
Emakumeen Euskal Liga, Bigarren Maila, Bigarren Fasea
- Munttarpe-Urduliz, bihar (larunbata) 18:00etan Bekoerrotan.
Gizonen Gipuzkoako Kopa
- Munttarpek hilaren 22ko asteburuan ekingo dio Kopari.
ARETO FUTBOLA
Gizonen Gipuzkoako Lehen Maila
- Jaixki AFT-Zaldibi, gaur (ostirala) 21:50an Bekoerrotan.
Gizonen Gipuzkoako Bigarren Maila
- Orixe Tolosaldea-Gaintxu AFT, gaur (ostirala) 20:30ean Tolosako Uzturpe frontoian.
SASKIBALOIA
Gizonen Gipuzkoako Hirugarren Maila
- Take Coach-Kurkubi SBT, bihar (larunbata) 16:00etan Tolosako Usabal kiroldegian.
