Niessengo lurpeko aparkalekurako 30 bonu eskainiko dituzte
24 orduko 30 bonu eskainiko dira Niseengo lurpeko aparkalekurako eta datorren astelehenetik hasita hilaren 25era arte eskatu ahal izango dituzte interesdunek.
24 orduko 30 bonu eskainiko dira Niseengo lurpeko aparkalekurako eta datorren astelehenetik hasita hilaren 25era arte eskatu ahal izango dituzte interesdunek. Bono horien prezioa 75 eurokoa izango da hileko eta hilabetekoak izango badira ere, horiek berritzeko aukera izango da, fidantza gisa hileroko bat ordainduta.
Hurrengo kale hauetan erroldatuta dauden herritarrek lehentasuna izango dute: Nafarroa hiribideko 26-32 arteko atari bikoitiak, eta 59-79 arteko bakoitiak; Amasa kalea; Astigarraga kalea; Donostia kalea; Hondarribia kalea; Irun kalea; Oiartzun kalea; Pasaia kalea; Iztieta pasealekua; Diputazio plaza; Alfonso XI kalea; Kapitanenea kaleko 12-20 arteko atari bikoitiak, eta 13-17 arteko bakoitiak; Francisco Gazkue kalea; Jose Erbiti kalea; Santxoenea kaleko 22 ataria, eta 27-31 arteko bakoitiak; Segundo Ispizua kalea; Vicente Elizegi kalea; Biteri kaleko atari bikoiti guztiak; Fernandez de Landa plaza; eta Olibet auzoa.
Eskaerak zuzenean Murias Center 4 enpresari egin behar zaizkio posta elektronikoz, 696 98 38 61 telefono zenbakira deituta edo Niessen Zentroko bulegoetan astelehenetik ostiralera 09:00etatik 14:00etara eta 16:00etatik 19:00etara.
Bonu baina eskaera gehiago jasotzekotan, zozketa publikoa egingo da, eta esleipendun suertatzen direnekin kontratu indibidualak sinatuko ditu enpresak. Bonu bakoitzak ez du plaza jakin bat esleituta, eta aparkalekua beteta balego, plaza bat libre gelditu arte itxaron beharko dute esleipendunek sartu ahal izateko.
