Datorren astean zabalduko dute udaleku irekietan izena emateko epea
Matrikulatzeko orriak udalaren webgunean eta HAZ bulegoetan eskura daitezke.
Pasaiako Udalak udaleku irekiak antolatu ditu uztailerako, urtero legez. Zehazki uztailaren 2an hasi eta eta 27ra bitartean izango dira aurten udalekuak, lan egunetan, egunero, 09:30etik 13:00etara.
Udalekuetan izena eman dezakete Pasaian erroldatuta edota Pasaian bizi diren haurrek, baldin eta 2008 eta 2015 urte bitartean jaiotakoak badira (bi urteak barne).
Osatuko dituzten taldeak 10 eta 12 haur bitartekoak izango dira, eta begirale bana izango dute. Udalekuak bitartean askotariko jarduerak programatuko dituzte, beti ere adinaren arabera egokitutakoak.
Matrikulazioa
Matrikulazio epea hilaren 23an zabalduko dute eta maiatzaren 4a bitarte egongo da zabalik. Plaza kopurua mugatua da (360 plaza eskainiko dituzte guztira) eta kopuru hori gaindituz gero, zozketa egingo dute.
Matrikulak 76,30 euro balio du eta ordainketa haurraren izenean egin beharko da kontu korronte honetan: Kutxabank ES55-2095-5400-02-1061652334.
Izena ematerakoan, matrikula orriarekin batera, ordainagiria eta haurraren osasun txartelaren kopia aurkeztu behar dira. Matrikula orria udalaren webgunean edota HAZ bulegoetan eskura daiteke. Haur Hezkuntzako haurren kasuan nortasun agiriaren edo familia-liburuaren kopia aurkeztu beharko da.
HAZ bulegoak:
- Donibanen, Donibane kalea, 19.
- Trintxerpen, Euskadi etorbidean dagoen Alkateordetzan.
- Antxon, Hamarretxeta, 24.
