Erromeria eta opilak, San Marko egunerako

San Marko eguna izango da hilaren 25ean eta egun horrek, ezinbesteko ditu san marko opilak, baita Bizarain mendian egiten den erromeria.

Ikerne Zarate Gartziarena

Errenteria-Orereta

2018/04/17

San Marko erromeria

San Marko eguna izango da hilaren 25ean eta egun horrek, ezinbesteko ditu san marko opilak, baita Bizarain mendian egiten den erromeria. Aurten ere antolatu du udalak herriko hainbat eragilerekin elkarlanean jaia San Marko gotorlekuaren inguruan. Familia guztiarentzat egitarau zabala prestatu dute iganderako (hilak 22), eta bertara joateko autobus zerbitzu berezia izango da Morrongilleta kaleko geltokitik abiatuta. Bertatik irtengo dira autobusak 10:00etatik 13:40era 20 minutuero eta 16:00etatik 18:40era, 40 minutuero. San Markotik, berriz, 10:20etik 14:00etara, 20 minutuero, eta 16:20etik 19:00etara 40 minutuero. Egitaraua

10:00: San Markorako Igoera Krosa.
10:00: Erromeria martxa San Markora, Foru plazatik abiatuta.
11:00-14:00: Artisau liburuaren tailerrak, 6 eta 12 urte arteko haur eta gaztetxoentzat.
11:00Krosaren sari banaketa.
12:00: Erromeria udal txistularien eta Errenteria Musikaleko tronpeta ikasleen eskutik.
13:00-14:30: Animazioa Doike taldearen eskutik.
13:00: Herri kirolak.
14:00-16:00: Baserriko kirol parkea.
16:00-17:30: Haur eta gurasoentzat dantzaldia Joxe Mendizabalekin eta txokolate jatea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.