Glamour handiko pasaitarrak pasarelan

600 lagun elkartu zituen Laurak Batek antolatutako Udaberriko Desfileak

olatz mitxelena

2018/04/17

Pasaitar ezagunek desfilatu zuten Ibaiondon. Argazkia: Donimag.

Udaberriko Desfilea antolatu du aurten lehenbizikoz Laurak Bat Merkatarien eta Ostalarien Elkarteak, eta iniziatibak arrakasta handia izan du. 600 lagun elkartu ziren Ibaiondo pilotalekuan lehengo larunbatean. Pasarelan adin askotako pasaitarrak elkartu ziren, guztiak ezagunak, eta soinean, herriko merkatariek salgai dituztenak; arropak, zapatak, lentzeria, bainujantziak, ezkontza soinekoak, ospakizun berezietarako eta informaletarako orrazkerak eta makillajeak… denetarik ikusteko aukera izan zen pilotalekuan egunerako propio atondutako pasarelan. Laurak Batek “balorazio oso-oso positiboa” egin du ekitaldiaz, eta esker ona adierazi die desfilean laguntzaile izan zituzten guztiei: “Jende askok lagundu digu, eta guzti-guztiei eskertu nahi diogu egindako lana, bihotzez”. Arrakasta ikusirik errepikatzeko asmoa agertu dute herriko merkatari txikiek, eta desio bat ere plazaratu dute: “Merkatari gehiago biltzea gustatuko litzaiguke”. Ea hurrengoan lortzen duten.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.