EH Bilduk 'Lezo errotik' abiatuko du. 20 urte barruko herria nolakoa izan daitekeen pentsatu eta horretara iristeko bideak jartzea helburu duen prozesua da.
Hogei urte barruko Lezo irudikatu nahi dute prozesuarekin.
EH Bilduk
Lezo errotik izeneko prozesu parte hartzailea abiatuko du larunbatean. Horri ekiteko, abiapuntu gisara, batzarrera deitu dituzte herritarrak. Larunbateko lehen hitzordu hori 10:00etarako ezarri dute, Lezoko Ikastolaren jangelan (Olazar bidea, 1). Datozen 15-20 urteetarako herria nolakoa izan daitekeen irudikatu nahi dute.
Helburua da, EH Bilduk azaldu duenez, “Lezon bertan ongi bizitzeko eta herritar gisa bizimodu duina garatzeko” herria izatea Lezo. Horretarako, beharrezkotzat eman dute herriaren erronka nagusiak zehaztu, eta horietara iristeko bideak marraztea, “etorkizuneko Lezo hobe batekin egin nahi dugu amets, eta amets hori elkarrekin gauzatzeko gonbita egin nahi diegu lezoarrei”.
Lezo errotik prozesua aurkezteaz gain, prozesu parte hartzailearen lehen saioa izango da larunbatekoa.